चितवन, ५ कात्तिक
भरतपुरको निर्माणाधीन ६ लेन सडकको खाल्डोमा परेर एकजनाको मृत्यु भएको छ ।
मृत्यु हुनेमा भरतपुर-१० बस्ने अन्दाजी ४५ वर्षका प्रकाश आले मगर रहेका छन् । शनिबार दिउँसो साढे १ बजे सडकको खोल्सामा शव भेटिएको जिल्ला प्रहरी कार्यालय चितवनले जानकारी दिएको छ ।
उनी घोप्टो परेको र अनुहार पानीमा डुबेको अवस्थामा मृत भेटिएका थिए । मगर शारीरिक अपांगता भएको व्यक्ति रहेकोले नाला तर्ने क्रममा खाल्डोमा खसेको हुनसक्ने अनुमान गरिएको छ ।
निर्माण कम्पनीले सडक निर्माणको क्रममा जथाभावी खाल्डो खनेर छोडेको छ । खाल्डा वरिपरि कुनै पनि किसिमको साङ्केतिक बोर्डहरु राखिएको छैन। निर्माण कम्पनीको चरम लापरबाहीले यस अघि पनि सडकको खाल्डोमा परेर एक गैंडाको मृत्यु भएको थियो ।
