चितवन,फागुन २६
भिमोदय नमुना माध्यमिक विद्यालय कालिका नगरपालिका ५ पदमपुर चितवनको आयोजनामा शैक्षिक सामग्री प्रदर्शनी कार्यक्रम सम्पन्न भएको छ ।
नमुना विद्यालय विकास कार्यक्रम अन्तर्गत विद्यालयका शिक्षक तथा विद्यार्थीहरुद्वारा निर्माण गरिएका ७ ओटा विषयगत समूहको शैक्षिक सामग्रीको प्रदर्शनी आज शुक्रवार विद्यालय प्राङ्गणमा सम्पन्न भएका हो ।
कार्यक्रम कालिका नगरपालिकाका नगरप्रमुख विनोद रेग्मीको प्रमुख आतिथ्यमा सम्पन्न भएको हो । कार्यक्रममा कालिका नगरपालिकाका प्रमुख प्रशासकीय अधिकृत केशव प्रसाद उपाध्याय, नगर शिक्षा अधिकारी खेमनन्द भुषाल, सामाजिक विकास समितिका संयोजक तथा वडा नं ४ का वडाध्यक्ष मकरमान श्रेष्ठ विशिष्ट आतिथी रहनुभएको थियो ।
नगरका विशिष्ट पदाधिकारी एवं छिमेकी विद्यालयका शिक्षक तथा विद्यार्थीहले प्रदर्शनी अवलोकन गर्दै कार्यक्रम रचनात्मक र प्रभावकारी रहेको प्रतिकृया दिएका थिए ।
शैक्षिक प्रदर्शनी कार्यक्रमका संयोजक शान्ती महतोको सभापतित्वमा सम्पन्न कार्यक्रममा विद्यालय व्यवस्थापन समितिका अध्यक्ष अमृत श्रेष्ठले मन्तव्य राख्नुभएको थियो ।
कार्यक्रममा विद्यालयका प्रधानाध्यापक इन्द्रनाथ पौडेलले स्वागत मन्तव्य राख्नुभएको थियो भने सञ्चालन शिक्षक शिव प्रसाद सापकोटाले गर्नुभएको थियो ।
यस अघि विद्यालयको आयोजनामा चालू शैक्षिक सत्र एवं आर्थिक बर्ष २०७९÷८० को स्वीकृत कार्यक्रम अन्तर्गत शैक्षिक सामग्री निर्माण कार्यशाला यही फागुन २० र २१ गते सम्पन्न भएको थियो ।
