हिरालाल आचार्य ‘डायमण्ड’
चितवन, फागुन २१ –
स्ववियु निर्बाचनका लागि चितवनका १८ क्याम्पसमा विद्यार्थी संगठनहरुले नाम दर्ता गराएका छन् । २ वटा क्याम्पमा संगठन दर्ता हुन सकेन ।
चितवनका तीन वटा आंगिक र १७ वटा सामुदायिक क्याम्पसमा विद्यार्थीहरुले निर्वाचनको लागि संगठन दर्ता गरेका हुन् ।आगामी चैत ५ गतेबाट स्वतन्त्र विद्यार्थी युनियनको निर्वाचन हुँदै छ ।
आंगिक क्याम्पसहरुमध्ये वीरेन्द्र बहुमुखी क्याम्पसमा २१ वटा, रामपुर कृषि क्याम्पस खैरहनीमा ४ वटा र चितवन इन्जिनियरिङ कलेजमा ४ वटा विद्यार्थी संगठन दर्ता भएका छन् ।
भवानी शंकर बहुमुखी क्याम्पसमा १८ वटा, जनआदर्श बहुमुखी क्याम्पस वीरेन्द्रनगरमा ९ वटा, शहिद स्मृति बहुमुखी क्याम्पस रत्ननगरमा ११ वटा, जयमंगलबा बहुमुखी क्याम्पसमा १ वटा, सप्तगण्डकी बहुमुखी क्याम्पसमा १३ वटा, मैयादेवी कन्या कलेजमा ८ वटा, प्रेमबस्ती बहुमुखी क्याम्पसमा ४ वटा, हरि स्मारक कलेज मंगलपुरमा ३ वटा, शहिदस्मारक कलेज शारदानगरमा ७ वटा, सर्वशान्ति कलेज कुरिनटारमा १ वटा, अरुणोदय कलेज गीतानगरमा ६ वटा, अमर जनशक्ति क्याम्पस पटिहानी ५ वटा, माडी बहुमुखी क्याम्पसमा ८ वटा, अन्नपूर्ण बहुमुखी क्याम्पस पार्वतीपुरमा १ वटा, बालकुमारी कलेजमा १२ वटा संगठन दर्ता भएका छन् ।
भ्याली स्टेट कलेजमा बिद्यार्थीबीच अन्योल र उमाबडि आदर्श शेरचन कलेजमा कलेज प्रशासनको लापरबाहीले संगठन दर्ता हुन न सकेको बिद्यार्थी नेताहरुले चितवन आजलाई जानकारी दिए । कलेज बन्द गरेर शिक्षक तथा कर्मचारी भारत भ्रमणमा गएको बिद्यार्थीहरुले बताएका छन् । अब ती कलेजले २६ गते संगठन दर्ता गराउन पाउने छन् ।
