काठमाडौँ, मंसिर १३
नेकपा (एमाले)का स्थायी कमिटी सदस्य रघुवीर महासेठले प्रतिनिधिसभा सदस्यमा धनुषा–४ मा विजयी भएपछि तेस्रो पटक संसदीय यात्रा तय गरेका छन् ।
निर्वाचन आयोगका अनुसार महासेठले ३२ हजार दुई ३६ मत प्राप्त गर्नुभयो भन उहाँका प्रतिस्पर्धी नेपाली कांग्रेसका महेन्द्र यादवले ३२ हजार ११२ मत प्राप्त गरे ।
महासेठ २०६५ सालमा संविधानसभा सदस्य उपनिर्वाचनमा धनुषा ५ बाट निर्वाचित भएका थिए । उनी संविधानसभा र तत्कालीन व्यवस्थापिकामा विभिन्न समितिमा रहेर जिम्मेवारी निर्वाह गरेका छन् । उनी २०७४ सालमा संघीय संसद प्रतिनिधिसभा सदस्यमा धनुषा(४ बाट विजयी भएका हुन् ।
जनकपुर उपमहानगरपालिका २, धनुषामा बाबु मखन र स्व।मायावती महासेठको कोखबाट २०१८ साल साउन २२ गते जन्मिएका महासेठ हाल नख्खु, ललितपुरमा बस्छन् । उनकी पत्नी जुलीकुमारी महतो र एक छोरा, एक छोरी छन् । उनले बि।ई ९सिभिल इन्जिनियरिङ० अध्ययन गरेका छन् ।
एमाले निकट विद्यार्थी संडठन अखिल नेपाल राष्ट्रिय स्वतन्त्र विद्यार्थी युनिययन ९अनरास्ववियु० मा २०२८÷०२९ सालबाट औपचारिकरुपमा महासेठ राजनीतिमा प्रवेश गरेका हुन् ।
उनी २०३७ सालमा अनेरास्ववियुको प्रथम पूर्वाञ्चल क्षेत्रीय अध्यक्ष निर्वाचित भएक थिए । वि।सं २०३३ सालमा तत्कालीन नेकपा ९माले०को सदस्यता लिएर पार्टीगत राजनीति औपचारिक सुरुवात गरेका हुन् । २०५४ सालदेखि एमालेको केन्द्रीय भएर काम गरे । विंस २०७६ सालमा एमालेको स्थायी कमिटी सदस्य भएका थिए ।
महासेठले २०६८ सालमा जलस्रोत तथा सिँचाइमन्त्री र २०७४ सालमा भौतिक पूर्वाधार तथा यातायातमन्त्रीको जिम्मेवारीमा काम गरेका छन् ।
उनले २०५१ सालमा उदयपुर सिमेन्ट उद्योगको कार्यकारी अध्यक्ष भएर पनि काम गरेका थिए । उनको विशेष रुचिको क्षेत्र विकास, खेलकुद हो ।
राजनीतिक घटनाक्रमका क्रममा २०२८÷०२९ को संघर्षको क्रममा २७ दिन थुनामा बसेका थिए । राजनीतिक आन्दोलनको क्रममा पटक÷पटक गरी १३ महिना थुना र जेल जीवन बिताइसकेका छन् ।
