चितवन,असोज १-
श्री गण्डकी–नारायणी संरक्षण महाआरती परिषद्को आव्हानमा नारायणगढस्थित नारायणी नदी किनारमा आमरण तथा रिले अनसन सुरु भएको हो । अनसनको भारत गोरखपुरको नाथ अखडाका पिठाधिस शिवनाथ योगीले शुभारम्भ गरेका थिए । परिषद्का अध्यक्ष प्रेमनिधि कँडेल भारद्वज आफै पनि अनसन बसेका छन् ।
भारद्वजले सनातन हिन्दुराष्ट्र घोषणाका लागि दबाब दिन आमरण अनसन सुरु गरेका हुन् । उनी यस अघि पनि दुर्ई पटक आमरण अनसन बसि बसेका थिए । तिव्र रुपमा धर्मान्तरण,संस्कार–संस्कृतिका सवालमा राज्य उदासिन बनेकाले दबाबका लागि अनसन सुरु गरिएको भारद्धाजले बताए ।
राष्ट्रिय स्तरका ६ र स्थानीय स्तरका तीन सहित नौं सुत्रिय माग राख्दै अनसन सुरु गरिएको उनले बताए । परिषद्ले सनातन हिन्दुराष्ट्र नेपाल घोषणा हुनुपर्ने, सबै पालिकाहरुमा सुरक्षित गोवनको व्यवस्था हुनुपर्ने, राष्ट्रिय सनातन संस्कृति आयोग गठन गर्नुपर्ने, कालीगण्डकीलाई नेपाल सम्पदा र विश्वसम्पदा सूचिमा सूचिकृत गर्नुपर्ने लगायतका माग राखेको छ ।
माग पुरा नभएसम्म अनसन जारी राख्ने भारद्धाजले बताए । परिषद्ले भाद्र १६ गते प्रधानमन्त्री कार्यालय काठमाडौं र ३० गते जिल्ला प्रशासन कार्यालय चितवनमा आफ्नो माग सहितको ज्ञापन पत्र बुझाई सकेको छ ।
अनसनमा सनातन संस्कृति संरक्षणका अभियन्ताहरु, सर्वसाधरणहरु समेत सहभागि हुन सक्ने उनले बताए । अनसनमा आज झापाका व्यासाचार्य किशोर गौतम, राष्ट गुरु योगी नरहरी नाथ मृगस्थली आश्रम काठमाडौंका संरक्षक योगी बेघ्र बेधनाथ , आचार्य जगन्नाथ कँडेल, देवघाटधामका पिठाधिसहरु लगायतको सहभागी छन् ।
