रौतहट , असोज २७ –
रौतहटको गौर नगरपालिकामा सात जनाको समूहमा गौरतर्फ घाँस लिन आउँदै गर्दा बाढीको पानीमा डुबेका ३ बालिकाको मृत्यु भएको छ ।
गौर- १ मा रहेको सीमा क्षेत्र नजिक बाढीको पानीमा डुबेर राजदेवी नगरपालिका-८ कि १३ वर्षिया आस्था कुमारी बैठा, १५ वर्षिया रागनी यादव र मौसमी बैठाको मृत्यु भएको छ । बाढीको पानीमा डुबेका मध्ये ४ जनाको स्थानीयले उद्धार गरेका थिए भने तीन जनाको शव निकालिएको हो ।
नेपाल प्रहरी र सशस्त्र प्रहरीको टोलीले खोजी गर्ने क्रममा ३ जना बालिकाको शव भेटिएको हो ।
