आजको पञ्चाङ्ग
वि.सं.२०८२ साल आश्विन १ गते । बुधबार । ईश्वी सन् २०२५ सेप्टेम्बर १७ तारिख । नेपाल संवत् ११४५ । सिद्धार्थी संवत्सर । दक्षिणायनं । शरद ऋतु । श्रीशाके १९४७ । आश्विन कृष्णपक्ष । तिथि–एकादशी, ४८ घडी ४४ पला, रातको १ बजेर २० मिनेट उप्रान्त द्वादशी । नक्षत्र–पुनर्वशु, ९ घडी २२ पला, बिहान ९ बजेर ३५ मिनेट उप्रान्त आद्र्रा । योग– परिध, ५१ घडी ४० पला, रातको २ बजेर ३० मिनेट उप्रान्त शिव । करण–बव, दिउसो १ बजेर ५८ मिनेट उप्रान्त बालव, रातको १ बजेर ३० मिनेट उप्रान्त कौलव । आनन्दादिमा–गद योग । चन्द्रराशि–कर्कट । आश्विन सङ्क्रान्ति। इन्दिरा एकादशी व्रत। एकादशी श्राद्ध। वास्तु दिवस। विश्वकर्मा पूजा।
मेषः
पारिवारिक जिम्मेवारीको भार थपिने र अभाव खट्किन सक्ने देखिन्छ । केही आलोेचनाको सामना गर्नपर्ने पनि हुनसक्नेछ । विगतका समस्या बल्झिन सक्नेछन् । आज केहि चुनौती देखिए पनि बुद्धिको उपयोगले समस्या सुल्झाउन सकिनेछ ।
वृषः
नयाँ कामको थालनी र व्यापार व्यवसायमा सफलता पाईनेछ । पारिवारिक सद्भावमा मिठास आउला । तपाईंको लगनशीलताले सम्मानित स्थान दिलाउनेछ । नोकरीमा प्रवेश, पदोन्नति वा विशेष स्थान प्राप्त हुने समय छ ।
मिथुनः
कसैले तपाईलाई उक्साउने प्रयास गर्न सक्नेछन् । आफ्नो कुरालाई सरल रुपमा बुझाउनु राम्रो पक्ष हुनेछ । अध्ययनतर्फ मिहिनेतले लक्ष्यमा पुर्याउनेछ । आफ्नो परिवारमा केही असमझदारी र प्रेम–सम्बन्धमा खटपटी बढ्न सक्नेछ ।
कर्कटः
आजको समय उपलब्धिमूलक रहनेछ । लगानी बढाउनुपरे पनि व्यवसायमा नयाँ कार्यको थालनी हुनेछ । आस मारेको काम बन्नाले उत्साह जाग्नेछ । बन्धुबान्धव तथा गुरुजनसँग आत्मीयता बढ्नेछ ।
सिंहः
आवेशको निर्णयले आँटेको काम बिग्रन सक्नेछ । सोख र मनोरञ्जनले खर्च बढाउनेछ । आशा देखाउनेहरूको भरपर्दा धोका पाइएला । व्यर्थैमा वादविवादमा परिने समय रहेकाले गोपनीयतामा ध्यान दिनुहोला ।
कन्याः
शुभकार्यको चर्चा चल्नेछ । लाभदायक योजना बन्नेछ । सांस्कृतिक क्षेत्रमा रुचि बढ्नेछ । व्यापार व्यवसायमा पनि फाइदा होला । आयस्रोत सबल बन्नेछ र भोगविलासमा मन रमाउने छ ।
तुलाः
न्यायिक कार्यमा सफलता मिल्नेछ । अधुरा कार्य पूर्ण हुने समय छ । आत्म विश्वास उच्च रहनेछ । आर्थिक पक्षमा सुधार हुनेछ । शैक्षिक एवं कलाक्षेत्रमा रुचि बढ्नुका साथै प्रतिभाको उचित कदर हुनेछ ।
बृश्चिकः
सामाजिक काममा अलमल र खर्च हुनेछ । घरमा पनि जिम्मेवारी बढ्नेछन् भने सहयोगीहरू पछि हट्नेछन् । आज केही चुनौतीपूर्ण देखिए पनि लगनशीलताले लक्ष्यमा पुर्याउनेछ ।
धनुः
आज केही व्यावहारिक उतारचढाव आउन सक्नेछन् । कामको चापले स्वास्थ्य समेत कमजोर बन्नेछ । समस्याका बेला आफ्नैले आफ्ना कमजोरीको फाइदा उठाउने चेष्टा गर्नेछन् । आलोचकहरूलाई शुभचिन्तकका रूपमा लिनु राम्रो पक्ष हुनेछ ।
मकरः
आयआर्जनका क्षेत्रमा सुधार आउनेछ । शुभ कार्यमा सहभागी भईएला । महिला वर्गबाट विशेष साथसहयोग मिल्नेछ । आवश्यक स्रोत–साधन जुट्नाले दिगो काममा जग बसाउने अवसर प्राप्त हुनेछ ।
कुम्भः
भौतिक सुख शान्ति र मानप्रतिष्ठामा बृद्धि हुनेछ । रोकिएर रहेको कार्य अगाडि बढाउन सकिनेछ । द्वेष तथा इष्र्या गर्नेहरूले केही समस्या निम्त्याउनेछन् तापनि प्रतिस्पर्धीहरूलाई उछिन्न सकिनेछ । खर्चको मात्रा भने बढ्ने नै देखिन्छ ।
मीनः
साझेदारी मूलक कार्य नगर्नुहोला । दाजुभाइ बीच विवाद बढ्नेछ । धार्मिक आस्था बढेर जानेछ । अरुको भनाइको पछि नलाग्नु राम्रो पक्ष हुनेछ । सकारात्मक चिन्तनले मनको डर इच्छाशक्तिमा रूपान्तरित हुने समय छ ।
