विभिन्न अपराधमा संलग्न भएका व्यक्तिलाई ३०÷४० वर्षपछि पक्राउ गरेर कारागारमा राखिएको सम्झाउँदै प्रहरीले लामो समय प्रहरीको आँखा छल्न नसकिने भएकाले समयमा नै सम्पर्कमा आउन प्रहरीले अनुरोध गरेको छ ।

आन्दोलनको मौकामा देशका विभिन्न कारागारबाट भागेका कैदीबन्दी भने आत्मसमर्पण गर्दै प्रहरी चौकीमा जाने क्रम बढिरहेको छ । सुरक्षा व्यवस्था कमजोर पारिएको अवस्थामा भाग्ने मौका पाएको भए पनि अब विस्तारै सुरक्षा प्रत्याभूति बढ्दै गएपछि जेलबाट भागेका स्वतःस्फूर्त प्रहरीमा आउन थालेका हुन् ।

अदालतको फैसला कार्यान्वयन गर्नका लागि प्रहरीले जसरी पक्राउ गर्ने र अहिले भागेका कानुनी रूपमा झनै अप्ठ्यारोमा पर्न सक्ने, सजाय झनै लम्बिन सक्ने, थप मुद्दा झेल्नुपर्ने अवस्था आउन सक्ने भएकाले त्यसबाट सुरक्षित हुनका लागि कैदीहरूले आत्मसमर्पण गरिरहेका हुन् ।

आफ्नो समुदायमा कोही नयाँ मान्छे आएमा, फरक खालको क्रियाकलाप देखाएमा वाशंका स्पद कुनै गतिविधि गरेको भएमा समयमा नै सुरक्षाकर्मीलाई खबर गरेर समुदायलाई सुरक्षित राख्नुपर्ने उहाँको भनाइ छ । प्रहरीले गरिरहेका गस्तीहरूमा भेटिएका शङकास्पद व्यक्ति माथि अनुसन्धान तथा सोधपुछ गर्ने क्रममा उनीहरूले गर्वका साथ आफूहरूले जेल तोडेर आएको बताएकाले उनीहरूबाट थप घटनाको जोखिम हुनसक्ने चेतावनी प्रहरीले दिएको छ ।

भाग्ने र भगाउन मद्दत गर्ने सबै जना अपराधी भएको भन्दै उहाँले प्रहरीलाई केही समय हाँसोको पात्र बनाउँदा जनताकै घर लुटिने, आफ्नै दिदीबहिनी माथि दुव्र्यवहार, बलात्कारलगायत हिंसा हुने जोखिम रहेकाले आफ्नो समाजको बारेमा नागरिक चिन्तित बन्नुपर्ने प्रहरीले बताएको छ । कोही कसैले देशका विभिन्न कारागारबाट फरार भएका कैदीबन्दीहरू छरछिमेकमा आएको जानकारी पाएर प्रहरीमा खबर गरेमा सूचना दिने व्यक्तिका विवरण गोप्य राखिने सूचना दिने व्यक्ति सुरक्षित नै रहने प्रहरी नायब उपरीक्षक विष्टले बताउनुभयो । रासस