काठमाडौं ।
गाजा क्षेत्रमा कुपोषणबाट थप ११ जनाको मृत्यु भएको छ । यससँगै गाजा क्षेत्रमा कुपोषणबाट मृत्यु हुनेको संख्या २१२ पुगेको हमासद्वारा सन्चालित स्वास्थ्य मन्त्रालयले जनाएको छ ।यीमध्ये ९८ जना बालबालिका छन् ।
इजरायली सेनाको कारबाही जारी रहेपछि गाजामा खाद्य संकट छ । भोकमरीसँगै कुपोषणको समस्या भयावह बनेको छ ।
स्वास्थ्य मन्त्रालले पछिल्लो २४ घण्टामा इजरायली सैन्य कारबाहीबाट गाजामा ३८ जनाको मृत्यु भएको छ भने ४९१ जना घाइते छन् ।
हमासलाई खतम पार्न भन्दै इजरायलले ७ अक्टुबर सन् २०२३ देखि सुरु गरेको आक्रमणबाट हालसम्म ६१ हजार भन्दा धेरैको मृत्यु भइसकेको छ ।
गाजा सहर नियन्त्रणमा लिनुअघि इजरायलले त्यहाँका बासिन्दालाई ७ अक्टुबर २०२५ भित्र शहर खाली गर्न भनेको छ ।
तपाईको प्रतिक्रिया
सम्बन्धित समाचार
