काठमाडौं, असार २४
विशेष अदालतले नेपाल टेलिकमकी प्रबन्ध निर्देशक संगीता पहाडीलाई दुई लाख रूपैयाँ धरौटीमा छाड्न आदेश गरेको छ।
टेलिकमको बिलिङ सिस्टम अपग्रेडमा ३३ करोड रूपैयाँभन्दा बढीको भ्रष्टाचारसम्बन्धी मुद्दामा विशेष अदालतले मंगलबार उक्त आदेश गरेको हो।
विशेषका न्यायाधीशहरू तेजनारायण सिंह राई, रामबहादुर थापा र विदुर कोइरालाको इजलासले पहाडीलाई दुई लाख तिराउन आदेश दिएको सूचना अधिकारी यज्ञराज रेग्मीले जानकारी दिए।
