चितवन, जेठ १५ –
मेट्स इन्टरनेशनल एजुकेशन एण्ड भिसा सर्भिसेस चितवनले ‘मेट्स इन्टरनेशनल मल्टि नेशन एजुकेशन फेयर २०२५’ आयोजना गर्ने भएको छ ।
भोलि जेठ १६ गते अर्थात मे ३० मा बिहान ११ बजेदेखि साँझ ५ बजेसम्म नारायणगढका शहिद चोकमा रहेको मेट्समा फेयर हुने मेट्सका सञ्चालक प्रकाश पौडेलले जानकारी दिए । फेयरमा अमेरिका, युके, क्यानडा, अष्ट्रेलिया लगायतका देशका ३० भन्दा बढी युनिभर्सिटी तथा कलेजका नेपालस्थित प्रतिनिधिहरुको उपस्थित रहने उनले जानकारी दिए ।
फेयरमा विद्यार्थी तथा अभिभावकहरुले विश्वविद्यालय तथा कलेज छनोट, शुल्क संरचना, छात्रवृत्ति योजना, भिसा प्रक्रिया जस्ता विषयमा विशेषज्ञ प्रतिनिधिहरुसँग प्रत्यक्ष अन्तरक्रिया गर्न पाउनेछन् । कार्यक्रममा बैंकका प्रतिनिधिहरुको पनि उपस्थित रहने छ । विधार्थी तथा अभिभावकले शैक्षिक कर्जा लगायत बैंकिंग प्रोसेसका सम्बन्धमा सम्पूर्ण जानकारी लिन सक्नेछन् ।
कार्यक्रममा आईईएलटिएस तथा पिटीई सम्बन्धी विशेष ओरिएन्टेसन कक्षा पनि हुनेछ । जसलाई ब्रिटिश काउन्सिल र पियर्सनका प्रतिनिधिहरुले सञ्चालन गर्नेछन् । त्यसैगरी वित्तीय योजना सम्बन्धी विशेष कक्षा फाईनान्सिएल ओरिएन्टेसन पनि अनुभवी काउन्सलरद्वारा प्रदान गरिने जनाइएको छ ।
मेला अवधिभर सहभागी विद्यार्थीहरुका लागि आईईएलटिएस तथा पिटीई तयारीमा ५० प्रतिशतदेखि १०० प्रतिशतसम्म छुट उपलब्ध गराइने जनाइएको छ । फेयरका दिन प्रक्रिया अघि बढाउने विद्यार्थीहरुलाई कन्सल्टेशन शुल्कमा पूर्ण छुट साथै तयारी कक्षामा १०० प्रतिशतसम्म छुट दिइने पौडेलले जानकारी दिए ।
त्यसैगरी उपस्थित विद्यार्थीहरुलाई एयरपड, ब्याग, टिसर्ट, डायरी र पेन जस्ता आकर्षक गिफ्टको पनि व्यवस्था गरिएको छ । फेयर विदेशमा अध्ययन गर्न चाहने विद्यार्थीहरुका लागि अत्यन्तै उपयोगी हुने भएकाले उपस्थित हुन मेट्सका सञ्चालक पौडेलले आह्वान गरेका छन् ।
