४ चैत, काठमाडौं –
नेकपा एमालेका मुख्य सचेतक महेश बर्तौलाले सत्तारुढ दलहरूबीच कुनै खटपट नभएको बताएका छन् ।
सोमबार प्रतिनिधिसभा बैठकपछि संसद् भवन परिसरमा सञ्चारकर्मीसँग कुराकानी गर्दै उनले यस्तो दाबी गरेका हुन् ।
उनले कांग्रेस–एमालेबीचको सहमतिबमोजिम सरकार अघि बढ्ने जिकिर गरे ।
‘हामीबीच कुनै समस्या, अन्तरविरोध, अविश्वास पनि छैन । छलफल भएको पनि छैन,’ बर्तौलाले भने, ‘बाहिर यस खालको अनुमान लगाएर कसैले रोटी सेकौं भन्ने मनसाय राख्नुहुन्छ भने उहाँहरूको कुरा भयो ।’
