काठमाडौं, पुस १९ –
भक्तपुरमा स्कुटर दुर्घटनामा घाइते भएका चालकको उपचारको क्रममा मृत्यु भएको छ।
मध्यपुर ठिमी नगरपालिका-२ सानोठिमीमा स्कुटर दुर्घटनामा परी घाइते भएका चालकको उपचारको क्रममा मृत्यु भएको जिल्ला प्रहरी परिसर भक्तपुरका डिएसपी ढुण्डिराज न्यौपानेले जानकारी दिए।
सोमबार सानोठिमीबाट मगरगाउँ जाँदै गरेको बा.प्र.०२-०२८ प ६६१० नम्बरको स्कुटर आफै अनियन्त्रित भएर दुर्घटनामा परेको थियो।
दुर्घटनामा परी चालक सानोठिमी धुन्चेपाखा बस्ने ३१ वर्षीय निश्चलप्रकाश राजभण्डारी गम्भीर घाइते भएका थिए।
उनको उपचारको लागि भक्तपुर इन्टरनेशनल अस्पताल लगिएको थियो। थप उपचारको लागि बिहीबार नर्भिक अस्पताल लगिएको थियो। त्यहाँ उपचारको क्रममा बिहीबार साँझ मृत्यु भएको हो।
तपाईको प्रतिक्रिय
सम्बन्धित समाचार
