चितवन, २० चितवन
नारायणी कला मन्दिर परिसरमा भएको घटनाप्रति राष्ट्रिय स्वतन्त्र पार्टी (रास्वपा) चितवनले विरोध गरेको छ । शनिबार राति एक विज्ञप्ती जारी गर्दै रास्वपा चितवनले विरोध जनाएको हो ।
हिजो रास्वपाले आयोजना गरेको ‘चितवनवासीसँग भेटघाट’ कार्यक्रममा केन्द्रिय सभापति एवं चितवन- २ का सांसद रवि लामिछाने उपस्थित थिए । कार्यक्रम स्थल बाहिर सहकारी पीडितसहितको अन्य पार्टीका नेताहरुले नाराबाजी गरिरहेका थिए । उनीहरुलाई प्रहरीले कार्यक्रम स्थलमा प्रवेश रोक लगाइएपछि झडपको स्थिति भएको थियो ।
जिल्ला सभापति कृष्ण भुसालद्वारा जारी विज्ञप्तीमा भनिएको छ, “रास्वपा केन्द्रिय सभापति, पुर्व उपप्रधान तथा गृहमन्त्री माननीय श्री रवि लामिछानेज्युको समुपस्थितिमा चितवन क्षेत्र नम्वर २ को सचिवालयद्वारा आयोजित २ कार्यक्रमहरु क्रमश: इच्छाकामनाको सार्वजनिक सुनुवाई (असोज १८ गते) र नारायणी कला मन्दिरको हात भित्रको मतदाता तथा आम नागरिकसँग भएको सौहार्दपूर्ण भेटघाट कार्यक्रम (असोज १९ गते )बिथोल्न सुनियोजित रुपमा परिचालित केहि उदण्ड, उसृंगखल र अराजक तत्वहरुले अमानवीय व्यवहार प्रदर्शन गर्दै ढुंगा मुढा प्रहर गर्दै भौतिक आक्रमणमा उत्रीएको झुण्डलाई स्थानीय बासिन्दाद्वारा लखेटीएकोमा सहयोगी सबै सचेत स्थानीय बासिन्दालाई धन्यवाद ज्ञापन गर्दछौं ।
कार्यक्रम विथोल्न पार्टीका भातृ सस्थाका कार्यकर्ता नै संलग्न रहेको रास्वपा चितवनको दाबी छ । सहकारी पीडितका नाममा अनुहारमा माक्स लगाएर कार्यक्रम अवरोध गरेको रास्वपा चितवनको विज्ञप्तीमा उल्लेख गरिएको छ ।
वास्तविक सहकारी पीडितहरुको पक्षमा सिंगो रास्वपा भएको विज्ञप्ती बताइएको छ । पीडितको पक्षमा रास्वपा सडक र सदमा सधैँ लडिरहने जिल्ला सभापति भुसालले जारी गरेको विज्ञप्तीमा छ । नक्कली पीडितहरुबाट सचेत रहन पनि रास्वपा चितवनले आग्रह गरेको छ ।
