चितवन, असोज १९ –
चितवनमा सहकारी पीडित आन्दोलनकारी र रास्वपाका कार्यकर्ताबीच भएको झडपमा अनेरास्ववियु चितवनका जिल्ला अध्यक्ष हरि आचार्य पक्राउ परेको प्रति अनेरास्ववियुले आपत्ती जनाएको छ ।
सहकारी पीडितको पक्षमा ऐक्यबद्धता जनाउँदै संवोधन गर्ने क्रममा अनेरास्ववियु चितवनका अध्यक्ष र नेविसंघ चितवनका नेता अनमोल अधिकारीसहितलाई प्रहरीले नियन्त्रणमा लिएको थियो ।
जसको विरोधमा अनेरास्ववियुको केन्द्रीय कमिटी र जिल्ला कमिटी चितवनले विज्ञप्ति निकाल्दै हरि आचार्य पक्राउको विरोध जनाएको हो ।
सहकारी पिडितलाई रवि लामिछानेको कार्यक्रममा प्रवेश रोक लगाएपछि पर्खाल भित्र रहेका रास्वपा कार्यकर्ताले ढुङ्गा प्रहार गरि पिडितलाई घाइते बनाएको अनेरास्ववियु चितवनको विज्ञप्तिमा उल्लेख गरिएको छ।
अनेरास्ववियु जिल्ला कमिटिद्वारा जारी विज्ञप्तिमा भनिएको छ, “सहकारी ठगिबाट अन्यायमा परेका पीडितको पक्षमा ऐक्यबद्धता जनाउदै सम्बोधन गर्ने क्रममा अनेरास्ववियु चितवनका जिल्ला अध्यक्ष क. हरि आचार्य सहितका नेताहरूलाई गिरफ्तार गरेको प्रति हाम्रो संगठनको तर्फबाट घोर आपत्ति व्यक्त गर्दछौ । जनताको जनजिविकासँग जोडिएका विषयमा उठाएको आवाजलाई दवाउन खोज्नु प्रशासनको गम्भीर भुल हो । गिरफ्तार गरिएका सबै नेता तथा सहकारी पिडितहरू लाई तत्कालै विना सर्त रिहाइ गरि घाइतेहरूको शिग्र स्वास्थ लाभको कामना सहित सहकारी पिडितको माग सम्बोधन गर्न हार्दिक अनुरोध गर्दछौ ।”
पक्राउ परेका आचार्य सहितको टोलीलाई बिनासर्त रिहा गर्न अनेरास्ववियुको केन्द्रीय कमिटी र जिल्ला कमिटी चितवनले माग गरेको छ।
हेरौं विज्ञप्ति :
पूरा जानकारीका लागि यो समाचार पढ्नुहोस् ।
सहकारी पीडित र रास्वपा कार्यकर्ताबीच भरतपुरमा हानाहान, केही आन्दोलनकारी प्रहरी नियन्त्रणमा
