काठमाडौं, ९ असोज
मनसुन सक्रिय भएकाले अबको चार दिन देशभर अति भारीसम्म वर्षाको सम्भावना रहेकाले सचेत रहन मौसम विभागले अनुरोध गरेको छ । मौसम विभागका अनुसार बाली भित्र्याउने समय भए पनि तत्कालै खेतबारीमा प्रवेश गर्ने अवस्था नरहेकाले सचेतता अपनाउन अनुरोध गरिएको छ ।
बिहीबार बेलुकादेखि शनिबारसम्म देशभर वर्षा हुने सम्भावना छ । देशव्यापीरुपमा थोरै, भारी वर्षादेखि अति भारीसम्म पनि वर्षाको सम्भावना छ । बिहीबार रातिदेखि, शुक्रबार र शनिबारसम्मै सम्भावना बढी छ।आइतबारदेखि मात्रै विस्तारै सुधार हुन सक्ने सम्भावना छ ।
विगतका वर्षहरुको तुलना गर्दा अक्टोबरको दोस्रो सातासम्म बाहिरिन्छ कि भन्ने अनुमान गरिए पनि त्यो सम्भावना नदेखिएको मौसमविदहरुको टिप्पणी छ ।
यसैबीच पच्चिम क्षेत्रका कतिपय स्थानमा वर्षा सुरु भइसकेको हुँदा स्थानीय तहले खेतमा प्रवेश नगर्न र धान भित्र्याउने कार्यमा नलाग्न अनुरोध गर्दै आएका छन् ।
