भरतपुर, ९ असोज
भरतपुर महानगरले नारायणगढस्थित लायन्स भवन भत्काएको छ। बुधबार महानगरले लायन्स क्लबको पाँच तले भवन भत्काएको हो ।
पुंगी खोला अतिक्रमण गरी निर्माण गरिएको उक्त भवन हटाउन भरतपुर महानगरले समय दिएको थियो। महानगरले तोकेको समयभित्र भवन नहटाएपछि महानगर आफैले डोजर प्रयोग गरि भवन भत्काएको हो ।
भवन भत्काउने क्रममा भरतपुर महानगर प्रमुख रेनु दाहाल र उपप्रमुख चित्रसेन अधिकारी उपस्थित थिए । लायन्स क्लबको भवन मापदण्ड विपरित तीन धुरमा निर्माण गरिएको हो । अहिले महानगरले पुंगी खाेला साैन्दर्यकरणकाे काम गरिरहेकाे छ ।
त्यस्तै, पछिल्लो समय मापदण्ड विपरित र अनधिकृत संरचना हटाउने कामलाई महानगरले निरन्तरता दिइरहेको छ ।
