चितवन, १३ भदौ
यसै वर्षबाट बिएचएम कोर्स सुरु गर्न लागेको बोस्टन इन्टरनेसनल कलेजमा बिएचएम ओपन हाउस कार्यक्रम सम्पन्न भएको छ। आगामी शैक्षिक वर्ष देखि बोस्टनमा सुरु हुन लागेको बिएचएम कार्यक्रमको बारेमा थप जानकारी दिने उद्येश्यले ओपन हाउस कार्यक्रममा आयोजना गरिएको हो।
उक्त कार्यक्रमबाट अभिभावक र विद्यार्थीहरुले बिएचएमको बारेमा विस्तृत रुपमा जानकारी प्राप्त गरेका हुन्। होटल तथा पर्यटन क्षेत्रका राष्ट्रिय तथा अन्तराष्ट्रिय रुपमा प्रतिष्ठित व्यक्तिहरूको सहभागितामा कार्यक्रम सम्पन्न भएको हो। कार्यक्रममा बिएचएमको महत्त्व र यसका राष्ट्रिय तथा अन्तराष्ट्रिय रुपमा रहेका फाइदाका बारेमा विद्यार्थीहरुलाई जानकारी प्रदान गरिएको हो।
ओपन हाउस कार्यक्रममा आइटिसी होटेल्स इन्डियाका पूर्व उपाध्यक्ष मनोज विरमानी, नेपालको प्रथम फाइभ स्टार एक्जिक्युटिभ सेफ तथा राजकीय सेफ गोविन्द नरसिंह केसी, बाराही जंगल लाजका जेनेरल म्यानेजर प्रकाश चन्द, सिएमटी रिसोर्टका एक्जिक्युटिभ सेफ राजन कुमाल, इम्प्याक्ट पोलिनेट ग्रुपकी संस्थापक निर्देशक सिता अधिकारीको उपस्थिति रहेको थियो। लन्डन एक्जिक्युटिभ सेफ तथा बीबीसी मास्टरसेफ २०२० फाइनलिष्ट सन्तोष शाहले अनलाइन मार्फत भिडियो संदेश पठाएका थिए।
प्यानल छलफललाई रुपेश श्रेष्ठले सहजीकरण गरेका थिए भने बोस्टनका बिएचएम कार्यक्रमका सह- संयोजक विमल अर्यालले स्वागत मन्तव्यका क्रममा बोस्टनको बिएचएम कार्यक्रमको यो नयाँ प्रयासले हस्पिटालिटि शिक्षा क्षेत्रमा उत्कृष्ट योगदान दिने विश्वास व्यक्त गरे।
बिएचएम अभिमुखिकरण कार्यक्रम आगामी सेप्टेम्बर २२ र २३ मा काठमाडौँको पाँचतारे होटल मेरियटमा हुने बिएचएम कार्यक्रमका सह–संयोजक अर्यालले बताए । बिएचएम कार्यक्रम अन्तर्गत विद्यार्थीहरूलाई न्यूनतम ४०० घण्टा भन्दा बढी तलबसहितको कामको अवसर, १८ महिनाको इन्टर्नसिप, पाँचवटा भन्दा बढी पाँचतारे होटेलहरूको अध्ययन भ्रमण र निःशुल्क फ्रेन्च र चाइनिज भाषाको कक्षा सञ्चालन गरिने उनले जानकारी दिए ।
होटल तथा पर्यटन उद्योगका राष्ट्रिय तथा अन्तर्राष्ट्रिय रुपमा प्रतिष्ठित व्यक्त्तित्वहरुलाई आमन्त्रण गरी कलेजले हस्पिटालिटिका बारेमा प्यानल छलफल समेत गरेको थियो ।प्यानल छलफललाई सहजिकरण गरेका सोल्टी होटलका लर्निङ एवम डिभलपमेन्ट विभागका क्ल्स्टर निर्देशक रुपेश श्रेष्ठले विद्यार्थीहरुका जिज्ञासालाई प्रश्नको रुपमा विज्ञहरुलाई राख्दै कार्यक्रमलाई अन्तरक्रियात्मक बनाएका थिए।
कार्यक्रमलाई समापन गर्दै कलेजका अध्यक्ष आनन्द बहादुर चन्दले कलेजले विद्यार्थीहरूको सफल करियर बनाउने कुरामा कुनै कसर बाँकी नराख्ने प्रतिबद्धता ब्यक्त गरे । आन्तरिक तथा विदेशी पर्यटक धान्न धेरै संख्यामा बिएचएम अध्ययन गरेका जनशक्तिको माग रहेको बताउँदै विद्यार्थीहरूलाइ चन्दले यस कार्यक्रममा भर्ना हुन अपिल गरे ।
