चेङ्दु (चीन), भदौ ५-
चीनको दक्षिणपश्चिम सिचुआन प्रान्तमा बुधबार एउटा कोइला खानी दुर्घटनामा परी मृत्यु हुनेको संखया आठ पुगेको स्थानीय आपत्कालीन व्यवस्थापन प्राधिकरणले जनाएको छ ।
बुधबार बिहान करिब १० बजे सिचुआनको लेसान सहरको वुटोङकियाओ जिल्लामा रहेको कोइला खानीमा एयर शाफ्ट सिल गर्ने क्रममा आठ कामदार फसेका थिए ।
बुधबार दिउँसो २ बजेसम्म सातजनाको मृत्यु भएको पुष्टि भएको थियो । साँझ ७ बजे थप एकको मृत्यु भएको वुटोङकियाओ जिल्लाको आपत्कालीन व्यवस्थापन ब्युरोले जनाएको छ ।
दुर्घटनाको कारण अनुसन्धान भइरहेको छ । रासस/सिन्ह्वा
