चितवन, भदौ ३ –
चितवनमा मोटरसाइकल दुर्घटनाबाट प्रहरी वरिष्ठ हवल्दारको मृत्यु भएको छ । खैरहनी नगरपालिकामा गएराति दुर्घटना हुँदा हवल्दारको मृत्यु भएको हो ।
आज बिहान २ः४० बजेको समयमा बाबा पेट्रोलपम्प स्थित पूर्व–पश्चिम राजमार्गमा मनहरीबाट खोलेसिमलतर्फ आउँदै गरेको बागमती प्रदेश०३–००३ प ६३७ नम्बरको मोटरसाईकल दुर्घटनामा परेको थियो । दुर्घटनाको कारण खुलेको छैन ।
जिल्ला प्रहरी कार्यालय चितवनका प्रवक्ता भेषराज रिजालका अनुसार मृत्यु हुनेमा लमजुङ राईनस नगरपालिका–६ धमेलीकुवा घर भई हाल रत्ननगर नगरपालिका–१५ खोलेसिमल बस्ने वर्ष ४३ को हेमन्त कुमार श्रेष्ठ रहेका छन् । उनी दुर्घटनापश्चात गम्भिर घाइते भएका थिए । उनी इलाका प्रहरी कार्यालय मनहरीमा प्रहरी वरिष्ठ हवल्दार पदमा कार्यरत रहेका थिए ।
गम्भिर घाईते श्रेष्ठको चितवन मेडिकल कलेज भरतपुरमा उपचारको क्रममा बिहान ३ः१९ बजे मृत्यु भएको हो । मोटरसाइकल दुर्घटनाको विषयमा थप अनुसन्धान भइरहेको प्रहरीले प्रवक्ता रिजालले बताए ।
