भरतपुर, २९ साउन
भरतपुर महानगरपालिका वडा न ५ ,गुलाफबागमा अवस्थित भद्रकुमारी राष्ट्रिय आधारभूत विद्यालयलाई अमिर सुवेदीले बस सहयोग गरेका छन् । सुवेदीले स्व. हजुरबुबा लाल बहादुर सुवेदी र स्व.हजुरआमा अम्ब कुमारी सुवेदीको पुण्य स्मृतिमा विद्यालयलाई बस सहयोग गरेका हुन्। हजुरबुबा लाल बहादुर सुवेदी विद्यालय व्यवस्थापन समितिका पुर्व अध्यक्ष समेत हुन्। सोमबार एक कार्यक्रमका बीच विद्यालयलाई बस हस्तान्तरण गरिएको विद्यालयक प्रधानाध्यापक राजेन्द्र प्रसाद चालिसेले जानकारी दिए ।
विद्यालयका प्रधानाध्यापक चालिसेका अनुसार विद्यालयको शैक्षिक तथा भौतिक उन्नयनमा सहयोग गर्दै आएका सुबेदीले आफ्नो लगानीमा स्व. लाल बहादुर सुवेदी स्मृति कम्प्युटर ल्याबको स्थापना , बि.स. २०७७ सालमा अफिस कोठा निर्माण, विद्यार्थीहरुलाइ छात्रवृत्ति ,स्कुल ब्याग, पोशाक, न्यानो कपडा, स्टेसनरी सामग्री तथा सुचना तथा संचार प्रबिधी प्रोजेक्टर, ल्यापटप आदि प्रदान गरेका छन् ।
कोभिड महामारीको समयमा सबै विद्यार्थीहरुलाइ राहत वितरण गर्नुका साथै विद्यालयमा कार्यरत आन्तरिक स्रोतका शिक्षकहरुलाइ पारिश्रमिकको प्रबन्ध गरिदिएको चालिसेले बताए ।
विद्यालयका वर्तमान अध्यक्ष राजु श्रेष्ठका अनुसार हालसम्म सुबेदिबाट १ करोड २५ लाख बराबरको आर्थिक तथा प्राबिधिक सहयोग प्राप्त भएको जानकारी दिए ।
महानगरकै नमूना उन्मुख विद्यालयको रूपमा अघि बढदै गरेकोमा स्कुल बसले छुट्टै आयाम थप्ने बिश्वास लिएको छ ।
