चितवन, ११ साउन
चितवनमा कारले ठक्कर दिदाँ मोटरसाइकल चालकको मृत्यु भएको छ। मृत्यु हुनेमा भरतपुर महानगरपालिका-७ प्रेमबस्ती निवासी ५० वर्षीय चण्डी प्रसाद अधिकारी रहेका छन् ।
गएराती भरतपुर–८ अशोकचोकमा बागमती प्रदेश ०६–००३ प ६८३९ नम्बरको मोटरसाइकललाई बा.प्र.०१–०२७ च ५६१९ नम्बरको कारले ठक्कर दिएको थियो ।
मोटरसाइकल अधिकारीले चलाएका थिए। कारको ठक्करबाट गम्भिर घाइते भएका उनको चितवन मेडिकल कलेजमा उपचारको क्रममा आज बिहान मृत्यु भएको चितवन प्रहरीले जनाएको छ ।
मोटरसाइकललाई ठक्कर दिएर फरार रहेका भरतपुर–९ निवासी बिबस कटुवाल र कारलाई प्रहरीले भरतपुर- १० हाकिमचोकबाट नियन्त्रणमा लिएर आवश्यक अनुसन्धान अगाडी बढाएको छ ।
