चितवन, ३ साउन
सिमलताल पहिरोमा परेर त्रिशूलीमा हराइरहेको बसका थप एक यात्रुको शव फेला परेको छ । भरतपुर महानगरपालिका २६ शिशुवार क्षेत्रमा नारायणी नदीको किनारमा शव परेको हो ।
उक्त शव पुरुषको भएको चितवन प्रहरीले जनाएको छ । शवको सनाखत भएको छैन। शवलाई भरतपुर अस्पताल ल्याएर पोष्टमार्टम गरिँदैछ ।
यो शवसँगै सिमलताल दुर्घटनामा बेपत्ता बनेका २० जनाको शव भेटिएको छ । जसमध्ये १४ जनाको सनाखत भएर परिवारले शव बुझेर लगेका छन् ।
गत असार २८ गते विहान नारायणगढ मुग्लिन सडकखण्ड अन्तर्गत भरतपुर महानगरपालिका २९ मा सिमलतालमा पहिरोले दुई वटा यात्रुबाहक बस बगाएको थियो ।
