भरतपुर, साउन १
भरतपुर महानगरपालिका वडा नम्बर ११ स्थित कैलाश चोकको भित्री सडकमा दुई मोटरसाइकल दुर्घटना हुँदा ४ जना घाइते भएका छन् ।
आज दिँउसो बा८९प ६०५७ नम्बरको मोटरसाइकलले बा.प्र.०६००१प ५०५५ नम्बरको मोटरसाइकलाई ठक्कर दिँदा मोटरसाइकलमा सवार चार जना घाइते भएका हुन् ।
६०५७ मोटरसाइकलमा सवार चितवन इच्छाकामना गाँउपालिका ७ वस्ने ३६ वर्षीय प्रेम गुरुङ र पछाडी सवार सोही ठाँउका २४ वर्षीय सागर गुरुङ रहेका छन् भने ५०५५ मोटरसाइकलमा सवार गर्ने भरतपुर ११ बस्ने २४ वर्षीय अर्जुन गुरुङ र पछाडी सवार सोही ठाँउका २३ वर्षीय हरी गुरुङ रहेको जिल्ला प्रहरी कार्यालय चितवनले जनाएको छ ।
उनीहरुको अहिले सरकारी अस्पतालमा उपचार भईरहेको र अवस्था सामान्य रहेको प्रहरीले जनाएको छ ।
