चितवन, २७ असार –
निर्माण व्यवसायी संघ चितवनले रकम तत्काल भुक्तान गर्न सरकारसँग माग गरेको छ । आज बिहिबार जिल्ला प्रशासन कार्यालय चितवन मार्फत प्रधानमन्त्री तथा मन्त्रीपरिषदको कार्यालयमा पत्र पठाएको हो ।
निर्माण व्यवसायी संघ चितवनका अध्यक्ष दिनेशचन्द्र न्यौपानेद्वारा हस्ताक्षित पत्रमा आर्थिक वर्ष ०८०/८१ सकिन लाग्दा पनि निर्माण व्यवसायीहरुले राज्यबाट पाउने रकम नपाएको र पाउने शुनिश्चिततासमेत नभएको उल्लेख गरिएको छ ।
पत्रमा सडक विभाग अन्तर्गत करिब १९ अर्ब, खानेपानी मन्त्रालय अन्तर्गत करिब ३ अर्ब, सिंचाई विभाग अन्तर्गत करिब ५ अर्ब, शहरी विकास मन्त्रालय अन्तर्गत करिब ५ अर्ब रकम राज्यबाट भुक्तान गर्न बाँकी रहेको जनाइएको छ ।
पत्रमा भनिएको छ, “असार मसान्तमा बैंकको व्याज भुत्तान गर्ने, निर्माण सामाग्रीका उधारो चुत्ता गर्ने, बैंक ग्यारेण्टी, एलसी र चेक जमानीमा भएका कारोवारहरु फरफारक गर्ने लगायतका कारोवारहरु गर्नुपर्ने हुन्छ । यदी गर्न नसकिएमा निर्माण व्यवसायीहरुलाई बैंकले कालोसुचिमा राख्ने, व्यापारीहरुले बैंक ग्यारेण्टी दावी गर्ने, चेक बाउन्स गराउने जस्तो कार्य हुने भएकाले निर्माण व्यवसायीहरुले उक्त वोझ धान्न नसकी मानसीक तनाव र अप्रिय घटना समेत घट्न सक्ने कुरालाई मध्यनजर गरी निर्माण कार्यको विल पेश भएका वा म्याद थप पश्चात रकम भुत्तान हुन वाँकी रहेका निर्माण व्यवसायीहरुलाई रकम भुत्तान गर्न र पाउने शुनिश्चितता गराईदिनुहुन जोडदार माग गर्दछौं ।”
