भरतपुर, असार १२
अनेरास्ववियु केन्द्रिय कमिटिद्वारा आयोजित जननेता मदनकुमार भण्डारीको ७३ औँ जन्म जयन्तीको अवसरमा स्कूल अफ हेल्थ साइन्स भरतपुर सेरोफेरोमा बृहत वृक्षरोपण कार्यक्रम सम्पन्न भएको छ ।
“बिरुवा रोपौ वातावरणलाई स्वच्छ राखौ पृथ्वीलाई जोगाऔं” भन्ने उद्देश्यका साथ कार्यक्रम सम्पन्न भएको हो ।
अनेरास्ववियु सिटिइभिटी राष्ट्रिय कमिटीको मातहतमा भएको कार्यक्रम अनेरास्ववियु स्कूल अफ हेल्थ साइन्स कमिटीका कार्यवाहक अध्यक्ष सूर्य नारायण शाहको नेतृत्वमा, अनेरास्ववियु सिटिइभिटी राष्ट्रिय कमिटीका सहसचिव रेश्मा रावल, सदस्य क. कमल बहादुर साउद लगायत स्कुल अफ हेल्थ साइन्सका प्रशिक्षक सुरेश खतिवडा र विभिन्न व्यक्तीहरुको उपस्थितिमा कार्यक्रम सम्पन्न भएको थियो ।
