चितवन , असार १० –
चितवनको भरतपुर महानगरपालिका वडा नम्बर ११ भएको रक्तदान कार्यक्रममा एकै घरपरिवारका ४ जनाले रक्तदान गरेका छन । शनिबार कैलाश युथ क्लबले आयोजना गरेको रक्तदान कार्यक्रम एकै परिवारका ३ दाजुभाइ र १ बहिनीले रक्तदान गरेका हुन् ।
रक्तदान कार्यक्रममा कैलाशटोलका स्थानियवासी तथा क्लवका अध्यक्ष सबिन अधिकारी , उनका भाइहरु सरोज अधिकारी , सन्दिप अधिकारी र बहिनी सुमित्रा अधिकारीले एकै पटक रक्तदान गरेका हुन । सबिन सामाजीक अगुवा हुन भने उनका दुई भाइ पनि सामाजिक सेवाका अलाबा खेलाडीहरु हुन । त्यस्तै बहिनी समित्रा स्वास्थ्यकर्मी हुन् ।
क्लवमा अधिकारी परिवारका ४ जना नै आवद्ध रहेका कारण र सामाजिक रुपमा सबै अग्रणी भुमिका रहदै आएकाले पनि एकै पटक रक्तदान गरेका हुन् ।
परिवारका ४ जना सदस्यले एकै पटक रक्तदान गर्न पाउँदा आफुहरु खुशी र उत्साहीत भएको क्लवका अध्यक्ष सबिन अधिकारीले बताए । पारिवारिक रुपमा पनि धेरै जनाले एकै पटक रगत दिन पाउँदा समाजमा समेत सकारात्मक प्रभाब पर्ने र रगत दिने लाई थप उत्साह जाग्ने अपेक्षा लिएको अध्यक्ष अधिकारीको भनाइ छ । शनिबार कैलाश टोलामा भएको रक्तदान कार्यक्रमा ४२ युनिट रगत संकलन भएको थियो ।
