चितवन, ३२ जेठ
पृथ्वी राजमार्गअन्तर्गत चितवनको फिस्लिङ बजारनजिक आज बिहान दुई सवारीसाधन एकापसमा ठोक्किँदा एकजनाको मृत्यु भएको छ। मृत्यु हुनेमा कार चालक पोखरा महानगरपालिका ५ बस्ने ३५ वर्षीय समिर ओझा रहेका छन् ।
नेपालगन्जबाट काठमाडौंतर्फ गइरहेको भे१ख ४०६० नम्बरको बस र काठमाडौंबाट मुग्लिनतर्फ गइरहेको वाग्मती प्रदेश ०२–०३९च ३७२० नम्बरको कार एकापसमा ठोक्किएको हो । बस सडकबाट अन्दाजी ५० मिटर तल त्रिशुली नदीमा खसेको थियो ।
टाउकोमा गम्भीर चोट लागेका ओझाको उपचारको क्रममा पुरानो मेडीकल कलेज भरतपुरमा मृत्यु भएको हो ।
दुर्घटनामा १३ जना घाइते भएको चितवन प्रहरीले जनाएको छ। जसमध्य ३ जनाको अवस्था गम्भीर, ५ जना मध्यम, १ जना सामान्य, ४ जना डिस्चार्ज भएको प्रहरीले जानकारी दिएको छ ।
घाइतेहरुको सम्पूर्ण विवरण :
पुरानो मेडिकल कलेजमा उपचार भई रहेको घाईतेहरुः-
१.कारमा सवार जि.काठमाण्डौ टोखा न.पा.६ बस्ने बर्ष २२ को शेखर मिश्र, खट्टा र टाउकोमा चोट, गम्भिर ।
चितवन मेडिकल कलेज भरतपुरमा उपचार भई रहेका घाईतेहरुः-
१.बसमा सवार जि.नवलपुर गैडाकोट बस्ने बर्ष ३८ की दिलमाँया बि.क. टाकोमा भित्री चोट मध्यम ।
२.बसमा सवार जि.नवलपुर गैडाकोट बस्ने बर्ष १९ की परिका सुनार बाँया हातमा भित्री चोट सामान्य ।
३.बसमा सवार जि. बाँके कोहलपुर १२ बस्ने बर्ष ४८ को धिरेन्द्र ब. के.सी. बाँया खुट्टामा चोट मध्यम ।
४.बसमा सवार जि. बर्दिया बाँसगढी न.पा. ९ बर्ष ४८ को रामकृष्ण थारु ढाडमा भित्री चोट मध्यम ।
५.कारमा सवार जि.ललितपुर ललितपुर म.न.पा. २४ बर्ष १७ को सितल ओझा मुखमा चोट मध्यम ।
६.कारमा सवार जि.ललितपुर ललितपुर म.न.पा. २४. बस्ने बर्ष ३५ की सरिता ओझा घाँटिमा चोट मध्यम ।
७.कारमा सवार जि. ललितपुर ललितपुर म.न.पा. २४ बस्ने बर्ष २१ को सृजन ओझा बोल्न नसक्ने गम्भिर ।
स्थानिय पोलिक्लिनिक फिस्लिङमा उपचार पश्चात डिस्चार्ज भई गन्तब्य स्थान तर्फ गएको घाईतेहरुः-
१. बसमा सवार जिल्ला बर्दिया बर्दिया न पा १२ बन्जाई बस्ने बर्ष ३० को थिर ब के.सी.,डिस्चार्ज ।
२.बसमा सवार जि बर्दिया न पा ८ बस्ने बर्ष ४८ को दरु ब शाहि,डिस्चार्ज ।
३.बसमा सवार बर्दिया न पा ९ बस्ने बर्ष ४८ को रामकिरण थारु डिस्चार्ज ।
४.बसमा सवार ऐ ऐ बस्ने बर्ष ३४ को बल ब चौधरी,डिस्चार्ज ।
