भरपुर, जेठ २०
भरतपुर महानगरपालिका वडा नं–१७, कमलदेवी बोडिङ स्कुलनजिकै स्कुटर अनियन्त्रित भई पल्टिँदा बालक गम्भीर घाइते भएका छन् ।
रामपुरबाट सौगात चोकतर्फ जाँदै गरेको ना ४१ प ७०४१ नम्बरको स्कुटर अनियन्त्रित भई पल्टिँदा भरतपुर–५, विकास चोक बस्ने स्कुटर चालक रामकृष्ण पाण्डेका छोरा १४ वर्षीय रमित पाण्डे गम्भीर घाइते भएका हुन् ।
अनुहार र शरीरमा चोट लागी घाइते भएका बालकको पुरानो मेडिकल कलेज भरतपुरमा उपचार भइरहेको र स्कुटर नियन्त्रणमा लिइएको प्रहरीले जनाएको छ ।
