– हिरालाल आचार्य ‘डायमण्ड’
चितवन, जेठ १८
चितवनमा अन्तर्राष्ट्रिय पोल्ट्री प्रदर्शनी सुरु भएको छ । अन्र्तराष्ट्रिय औद्योगिक प्रदर्शनी केन्द्र चितवनमा नेपाल पोल्ट्री महासंघ र इण्डीया पोल्ट्री इक्युपमेन्ट एशोसियसनको संयुक्त आयोजनामा प्रदर्शनी सुरु भएको हो । तीन दिनसम्म चल्ने यस प्रदर्शनीको प्रमुख उद्देश्य नेपालको पोल्ट्री क्षेत्रको समग्र विकास गर्न नवीनतम अत्याधुनिक प्रविधिहरु भित्राउने रहेको छ ।
जेठ २० गतेसम्म सञ्चालन हुने प्रदर्शनीको आज भरतपुर महानगरपालिका प्रमुख रेनु दाहालले उद्घाटन गरिन् । प्रदर्शनीमा १५० भन्दा बढी स्वदेशी तथा विदेशी प्रदर्शकहरुले नवीनतम प्रविधिहरुको प्रदर्शनी गरिरहेका छन् ।
प्रदर्शनीमा नेपाल, भारत, जर्मनी, बेल्जियम, नेदरल्याण्ड, चीन, अमेरिका, टर्की, मलेसिया, सिंगापुर, ताइवान, इटली, इजरायल, बंगलादेश लगायत विभिन्न देशका पोल्ट्रीसँग सम्बन्धीत कम्पनीहरुको स्टल रहेका छन् ।
नेपाली पोल्ट्री क्षेत्रको सुदृढिकरण र व्यवसायीकरण गर्ने उद्देश्यले आधुनिक यन्त्र, अत्याधुनिक प्रविधि, गुणस्तरीय औषधि, फिड सप्लिमेण्ट्स, डेरी उद्योग, पोल्ट्री उद्योग, दाना उद्योग, ह्याचरी उद्योग र मासुजन्य उद्योग लगायतका सम्पूर्ण पशुपन्छी पालन, प्रशोधन र बजारीकरण सम्बन्धि विभिन्न क्षेत्रहरु समेटेर नेपाली पोल्ट्री क्षेत्रलाई उच्च व्यवसायीक परिचय दिई अन्तर्राष्ट्रिय स्तरमा चिनाउन र अन्य विकसित देशहरुमा भइरहेको पोल्ट्रीजन्य उत्पादनका प्रविधिहरु नेपालमा भित्राउने महत्वपूर्ण वातावरण बनाउन अन्तर्राष्ट्रिय प्रदर्शनी आयोजना गरिएको नेपाल पोल्ट्री महासंघका अध्यक्ष गुणचन्द्र विष्ट बताउँछन् ।
प्रदर्शनीबाट नेपाली पोल्ट्री कृषकले कम लागतमा पोल्ट्रीजन्य वस्तुको उत्पादन गरी उपभोक्ताले सस्तो, सुलभ तथा गुणस्तरीय पोल्ट्रीजन्य उत्पादन खरिद गर्ने वातावरण बनाउन पनि सहयोग पुग्ने महासंघको विश्वास छ ।
प्रदर्शनीमा पोल्ट्री व्यवसायमा नवीनतम प्रयोग सम्बन्धी गोष्ठी, बैठक र अन्तरक्रियासहित तीन दिने पोल्ट्री पाठशाला सेमिनार समेत हुने छ ।
नेपाली पोल्ट्री क्षेत्रका अग्रज उद्योगपति, स्थापित व्यवसायी, क्षेत्रगत पेशाकर्मी तथा किसानवर्ग लगायत गरी १५ हजार भन्दा बढीले प्रदर्शनीको अवलोकन गर्ने अपेक्षा आयोजकको छ ।
भरतपुर भ्रमण वर्षलाई समेत सहयोग पु¥याउने, चितवनको आर्थिक क्रियाकलापलाई चलायमान बनाउने, चितवनको पर्यटन प्रवद्र्धनमा सहयोग पु¥याउने उद्देश्य समेत यस पोल्ट्री प्रदर्शनीको रहेको छ ।
उद्घाटन कार्यक्रममा बोल्दै भरतपुर महानगर प्रमुख रेनु दाहालले अन्तर्राष्ट्रिय प्रदर्शनी भरतपुरमा गरेकोमा आयोजक प्रति आभार प्रकट गरिन् ।
यस प्रदर्शनी पश्चात यसले लिएका उद्देश्य पक्कै पनि पुरा होउन । अन्य क्षेत्रमा पनि यस्ता प्रकारका अन्र्तर्राष्ट्रिय प्रर्दर्शनीहरु भइरहे भने पक्कै पनि विकसित देशका प्रविधिहरु देशमा भित्राउन सकिने छ र यसले देशको तीव्र विकासमा पक्कै पनि टेवा पुर्याउने छ ।
