चितवन, जेठ १२ –
नेकपा (एमाले) चितवनको ११ औं जिल्ला अधिवेशनमा रक्तदान कार्यक्रम सम्पन्न गरिएको छ ।
अधिवेशनको उद्घाटनका दिन आज अधिवेशन स्थलमा अखिल नेपाल राष्ट्रिय स्वतन्त्र विद्यार्थी युनियन ९अनेरास्ववियु० जिल्ला कमिटी चितवन र राष्ट्रिय युवा संघ नेपाल जिल्ला कमिटी चितवनको संयुक्त आयोजनामा रक्तदान कार्यक्रम सम्पन्न गरिएको हो ।
कार्यक्रममा ८२ जनाले रक्तदान गरेका अनेरास्ववियु चितवनका अध्यक्ष हरि आचार्यले जानकारी दिए ।
ग्लोक्सी गार्डेन रिर्सोट लंकुमा सुरु भएको अधिवेशन १४ गतेसम्म चल्ने छ ।
प्रत्येक वडा पार्टी कमिटी, जनवर्गीय संगठन जिल्ला कमिटी, सल्लाहकार परिषद्, निर्वाचन आयोग, लेखा आयोग, चितवन–काठमाडौं सम्पर्क मञ्चबाट छानिएर आएका ५९० जना, जिल्ला कमिटी अर्थात आयोजक कमिटी १४३ जना गरी ७३२ र मनोनित २९ जना गरी कुल ७६१ जना अधिवेशनमा प्रतिनिधि भएर आएका छन् ।
संभव भए सर्वसम्मत र सर्वसम्मत नभए ती प्रतिनिधिले मतदान मार्फत आगामी नेतृत्व चयन गर्ने छन् । अधिवेशनबाट अध्यक्ष एक, उपाध्यक्ष एक, सचिव एक, उपसचिव दुई सहित १२० सदस्यीय जिल्ला कमिटी चयन हुनेछ ।
