चितवन, ४ जेठ
उद्योग वाणिज्य संघ-चितवनको आयोजनामा भरतपुर महानगरपालिका वडा २८ स्थिति कुमाल सामुदायिक होमस्टेमा संचालित जेठ २ गते देखि संचालित ३ दिने अचार बनाउने तालिम आज सम्पन्न भएको हो ।
कार्यक्रममा स्वागत गर्दै कुमाल होमस्टेका अध्यक्ष तारा मास्केले कुमाल सामुदायिक होमस्टे आवद्ध महिलाहरूले उत्पादन गरेको सामाग्री बजारीकरण गरिदिन उद्योग वाणिज्य संघ- चितवनलाई अनुरोध गर्नुभएको थियो ।
कार्यक्रममा बोल्दै उद्योग वाणिज्य संघ-चितवनका कार्यसमिति सदस्य यवम तालीम संयोजक सुनिता लिगल कर्मचारीले सिकेको ज्ञान ब्यवहारमा ल्याउन अनुरोध गर्दै उत्पादित बस्तु बजारीकरणका लागि संघले सहयोग गर्ने बताउनुभयो । कार्यक्रममा बोल्दै उद्योग वाणिज्य संघ-चितवनका कार्यसमिति सदस्य श्रीकृष्ण लम्सालले तालीम लिईसके पछि सिकेको कुरा उत्पादनमा ढाल्न नसके तालिमको काम नहुने भन्दै उत्पादनमा लाग्न आग्रह गर्नुभयको थियो ।
कार्यक्रममा बोल्दै भरतपुर महानगरपालिका वडा २८ का पुर्व वडा अध्यक्ष यवम कुमाल सामुदायिक होमस्टेका सल्लाहकार आसबहादुर कुमालले यहाँ आएर अचार बनाउने तालिम प्रदान गरेकोमा उद्योग वाणिज्य संघ-चितवनलाई आभर प्रकट गर्दै तालीम बाट प्राप्त सिपलाई ब्यवहारमा ल्याई आय आर्जनमा ल्याउन अनुरोध गर्नुभयो ।
कार्यक्रममा उद्योग वाणिज्य संघ-चितवनका कार्यसमिति सदस्य पुर्णिामा जोशी श्रेष्ठ, कार्यक्रम अधिकृत गणेश सुवेदी, स्टोर किपर शर्मिला बिस्ट, प्रशिक्षक चित्रा गुरुङ लगायत कुमाल सामुदायिक होमस्टेका संचालकहरुको उपस्थिति रहेको थियो । उद्योग वाणिज्य संघ-चितवनका कार्यसमिति सदस्य यवम तालिका संयोजक सुनिता लिगल कर्मचार्यको अध्यक्षतामा भएको समापन कार्यक्रम कुमाल सामुदायिक होमस्टेका सह सचिब चन्द्रमायाँ कुमालले सञ्चालन गर्नुभएको थियो ।
