चितवन, बैशाख १८ –
भरतपुर महानगरपालिका ६ गीतानगरमा बैशाख २२ गतेदेखि वैदिक आयुर्वेद वडा अध्यक्ष कप भेट्रान फुटबल प्रतियोगिता हुने भएको छ ।
गीतानगर व्बाइज क्लबको आयोजनामा प्रतियोगिता हुन लागेको आज (मंगलबार) आयोजित पत्रकार सम्मेलनमार्फत जानकारी दिईएको हो । बैशाख २६ गतेसम्म चल्ने प्रतियोगितामा भरतपुर ६ भित्रका १६ टोली सहभागी हुने प्रतियोगिता संयोजक चक्रपाणी न्यौपानेले जानकारी दिए ।
प्रतियोगिताको विजेताले ट्रफीसहित ५० हजार रुपैयाँ प्राप्त गर्नेछ । उपविजेताले ट्रफीसहित २५ हजार प्राप्त गर्ने न्यौपाकेनेले बताए । यस्तै विभिन्न विधाका उत्कृष्ट खेलाडीहरुले पनि पुरस्कार प्राप्त गर्नेछन् । प्रतियोगिताको खेलहरु भरतपुर ६ स्थित सिद्धेश्वर मैदानमा हुनेछ ।
प्रतियोगिता सम्पन्न गर्न ६ लाख खर्च हुने अनुमान गरिएको आयोजक गीतानगर ब्वाइजका अध्यक्ष केशव दाहालले जानकारी दिए । ३० हजार दर्शकले प्रतियोगिताको गर्ने आयोजकको अनुमान छ ।
प्रतियोगितालाई वैदिक आयुर्वेद सेवा प्रालिले मुख्य प्रायोजन गरेको छ । यस्तै सेन्ट्रल कलेज अफ भोकेसनल ट्रेनिङ प्रालि सह-प्रायोजक तथा भरतपुर ६ को वडा कार्यालय संरक्षक संस्थाको रुपमा रहेको छ । कार्यक्रममा भरतपुर ६ का वडासदस्य रुद्र अधिकारी, खेलकुद विकास समिति भरतपुर ६ का अध्यक्ष अरुण वन्त, फिफा रेफ्री प्रकाश भुजेललगायत उपस्थित थिए ।
