नवलपरासी, १० वैशाख
नवलपरासीबाट भन्सार छलि ल्याइएका सामानसहित दुईजना पक्राउ परेका छन् । आइतबार पाल्हिनन्दन गाउँपालिका वडा नम्बर १ महेशपुर चोक स्थितमा भारतबाट नेपालतर्फ आउँदै गरेको बा १८ च ५०५३ नम्बरको कार चेक जाचँ गर्ने क्रममा प्रहरीले उनीहरुलाई पक्राउ गरेको हो।
पक्राउ पर्नेमा पोखरा महानगरपालिका वडा नम्बर ३०बस्ने ३२ वर्षीय राज कुमार ताम्राकार र सोहि ठाउँ बस्ने २९ वर्षीय सुदिप तिमिल्सिना रहेका छन् ।
उक्त कारको डिक्की भित्र भन्सार छलि लुकाई छिपाई ल्याएको Dounle Group Coffee Machine र Coffee Bean Grinder (अन्दाजी मूल्य रू.चार लाख बराबरको सामान ) एकसेट प्रहरीले बरामद गरेको छ ।
इलाका प्रहरी कार्यालय महेशपुर मार्फत गाडीसहित दुवैजनालाई आवश्यक कारवाहीको लागि महेशपुर भन्सार कार्यालय नवलपरासीमा पठाइएको छ ।
यसबारे थप अनुसन्धन भइरहेको प्रहरीले जनाएको छ ।
तपाईको प्रतिक्रिया
सम्बन्धित समाचार