चितवन, ९ बैशाख
चितवनमा मोटरसाइकल दुर्घटनामा परि २२ वर्षीय युवकको मृत्यु भएको छ । रत्ननगर नगरपालिका वडा नं-१० स्थित त्रिनेत्र पेट्रोल पम्पनजिक मोटरसाइकल डिभाइडरमा ठोक्किँदा गम्भीर घाइते भएका चालकको मृत्यु भएको हो ।
मृत्यु हुनेमा मोटरसाइकल चालक खैरहनी नगरपालिका वडा नं-७ बस्ने २२ वर्षीय देवनारायण चौधरी रहेका छन् । चौधरीको नयाँ मेडिकल कलेजमा उपचारको क्रममा मृत्यु भएको हो ।
पूर्वपश्चिम सडकखण्डमा भरतपुरबाट टाँडीतर्फ आउँदै गरेको ना २१ प ४१५८ नम्बरको मोटरसाइकल अनियन्त्रित भई डिभाइडरमा ठोक्किन पुगेको हो ।
मोटरसाइकल प्रहरी बिट कृष्णमन्दिरको नियन्त्रणमा रहेको प्रहरीले जनाएको छ ।
