चितवन , ८ बैशाख
प्राय मौसम परिवर्तनका समयमा मानिसमा स्किन पिलिंग अर्थात छाला जाने समस्या हुने गर्दछ ।
समयमै यसको ध्यान नराख्दा यसले भयानक रुप पनि लिन सक्दछ । हुनत छाला जाँदा हामीलाई दुखाई हुँदैन्, तर थोरै काम गर्दा समस्या हुने गर्दछ । आज हामी तपाईलाई केही घरेलु उपायका बारेमा जानकारी दिदैछौँ। जसले तपाईको छाला जाने समस्याका लागि राहत दिने गर्दछ ।
मनतातो पानी
हरेक दिन मनतातो पानीमा १० मिनेटसम्म छाला गएको हात वा खुट्टालाई भिजाएर राख्नुहोस्। यदी तपाई चाहनुहुन्छ भने पानीमा थोरै कागती पनि राख्न सक्नुहुन्छ । यसो गर्दा तपाईको स्किन नरम हुने र छाला जान कम हुने गर्दछ ।
भिटामिन ई युक्त तेल
छाला जाने समस्याबाट छुट्कारा पाउनका लागि भिटामिन ई युक्त तेलको प्रयोग गर्न सक्नुहुन्छ। यस तेलले हातलाई हरेक दिन मालिस गदा छाला जाने समस्याबाट छुट्कारा पाउन सक्नुहुनेछ।
एलोभेरा जल
हरेक दिन सुत्नुअघि हातमा एलोभेरा जलले मालिस गर्नुहोस् र बिहान उठेर मनतातो पानीले सफा गर्नुहोस्। यसो गर्दा तपाईको छाला नरम हुने गर्दछ।
ओट्स
एक कचौरा मनतातो पानीमा केही ओट्स भिजाउनुहोस् । केही समय पछि, जब ओट्स नरम हुन्छ, तब आफ्नो हातहरू लाई १० देखि १५ मिनेट सम्म डुबाउनुहोस् । त्यसपछि सफा पानीले हात धुनुहोस् । यसपछि हातमा हल्का मोइस्चराइजर लगाउनुहोस् ।