चितवन, ७ बैशाख
नारायणगढ–मुग्लिन सडकमा दुर्घटना हुँदा चार जना घाइते भएका छन्। आज बिहान भरतपुर महानगरपालिका–२९ सत्रकिलोमा ट्रक र कार एकापसमा ठोक्किएको हो ।
भरतपुरबाट मुग्लिङतर्फ जादै गरेको बि एबी ५३२० नम्बरको कार र बिपरित दिशाबाट आउदै गरेको बा प्र०३–००१ ख २०६३ नम्बरको ट्रक ठोक्किएको चितवन प्रहरीले जानकारी दिएको छ ।
घाइते हुनेहरुमा कार चालक भरतपुर–१९ बस्ने बर्ष ३८ को शैलेन्द्र सुवेदी, कारमा सवार रुपन्देही बुटवल उपमहानगरपालिका–२ बस्ने बर्ष ४६ को सुमन मल्ल, सोहि ठाउँका ७४ वर्षीय केशव मल्ल र ६८ वर्षीय सुवर्ण मल्ल (अवस्था गम्भिर) रहेका छन् ।
घाइतेहरुलाई उपचारको लागि पुरानो मेडिकल कलेज पठाइएको जिल्ला प्रहरी कार्यालय चितवनका प्रवक्ता श्रीराम भण्डारीले बताए ।
दुबै सवारी साधनमा क्षेती भएको र ट्रक चालक धादिङ धुनेबेशी नगरपालिका–७ बस्ने बर्ष ४२ को राजु भण्डारीलाई प्रहरीले नियन्त्रणमा लिएको जनाएको छ।
