चितवन, ४ बैशाख
चितवनमा आजदेखि जापानिज फ्रेन्चाइज रेष्टुरेन्ट याप्पारी स्टेकको दोस्रो शाखा सञ्चालनमा आएको छ । रेष्टुरेन्ट भरतपुर १० स्थित पुरानो मेडिकल कलेजमा रहेको छ ।
उक्त रेष्टुरेन्टको बैशाख ४, ५ र ६ गते ओपनिङ्ग रहेको छ ।ओपनिङ्गमा ग्राहकले १० प्रतिशत छुटमा सेवा पाउनेछन् भने अन्य विभिन्न छुटको पनि व्यवस्था राखिएको छ। रेष्टुरेन्ट बिहान ७ बजेबाट राति १० बजेसम्म खुल्ने छ ।
करिब १ करोडको लगानीमा सन्चालनमा आएको रेष्टुरेन्टमा जापानिजसहित नेपाली र भारतीय खाना पाइने रेष्टुरेन्टका सञ्चालक कृष्ण पौडेलले बताए । ९ महिना अगाडि भरतपुरको स्याउली बजारमा सञ्चालित रेष्टुरेन्टबाट ग्राहकको राम्रो प्रतिकृया पाएका कारण थप सेवा विस्तार गरिएको पौडेलले बताए ।
याप्पारी स्टेकको बिशेषता ढुङ्गामा मासु पकाएर खुवाउनु हो । विशेष प्रकृतिको जापानबाट ल्याईएको यो ढुङ्गा करिव २ सय ५० डिग्रिको तापक्रममा तताइन्छ र सोही ढुङ्गामा मासु पोल्न शुरु गरिन्छ।
आधाआधि मासु पाकिसकेपछि ग्राहकलाई ढुङासहित पस्किने छ र ग्राहकले चाहना अनुसार आफै फर्काइ फर्काइ पोलेर विभिन्न प्रकृतिको अचारको स्वाद सहित खान सकिने संचालक पौडेलले जानकारी दिए । करिव १ घन्टा सो ढुङ्गा तातो रहनेछ। सो रेष्टुरेन्टमा चिकेन मटन र पोर्क को बिभिन्न भागको मासु आँफैले पोलेर खान पाइने बिशेषताले नै याप्पारी सबैको बेष्ट भएको उनको भनाई छ ।
पौडेल १० वर्ष जापानको याप्पारी रेष्टुरेन्टमा काम गरेर नेपाल फर्किएका हुन् । अहिले उनले पहिलो शाखामा ६ जनालाई र दोस्रो शाखामा ११ जनालाई रोजगार दिएका छन् ।