चितवन, ३ जेठ –
चितवनको भरतपुर महानगरपालिकामा गठबन्धनका उम्मदेवार रेणु दाहालले अग्रता कायम गरेकी छन् ।
पछिल्लो मतगणनाअनुसार माओवादी केन्द्रकी नेतृ रेणु दाहालले ६२०७ मत पाएकी छन् ।
एमाले उम्मेदवार विजय सुवेदी ६११५ मतका साथ पछ्याइरहेका छन् । कांग्रेसका बागी उम्मेदवार जगन्नाथले ३०२२ मत पाएका छन् ।
भरतपुरमा कांग्रेस, माओवादी र एकीकृत समाजवादीको गठबन्धनबाट रेणु तथा एमाले र राप्रपा गठबन्धनबाट विजय मेयरका उम्मेदवार छन् ।
उपमेयरमामा कांग्रेसका चित्रसेन अधिकारी ७ हजार २५७ मतसहित अगाडि छन् । उनलाई राप्रपाका हिमला गुरुङ ४ हजार ८२२ मतसहित पछ्याइरहेका छन् । हिमला गुरुङलाई एमालेको समर्थन छ ।
निरन्तर पछिल्लो अपडेट पाइरहन चितवन आजको फेसबुक पेज हेर्नुहोला ।
तपाईको प्रतिक्रिया
सम्बन्धित समाचार