काठमाडौँ, २४ चैत
हामीले देख्दै आएका छौं त्यस्ता घटनाहरु जहाँ मानिसहरुले आफ्नो अनुहार चम्काउनका लागि विभिन्न कस्मेटिकको प्रयोग गर्नका साथै व्युटी पार्लर धाउँने गर्छन् ।
बढी जसो महिलाहरुले हजारौं खर्च गरेर आफ्नो फेश चम्काउने गर्छन्। तर कतिपय यस्ता सामाग्रीहरुको प्रयोगले सुन्दर देखाउनका सट्टा कुरुप बनाएका उदाहरणहरु पनि सुन्दै आएका छौं ।
मापदण्ड भन्दा बढी केमिकल राखिएका सामाग्रीले रोगको शिकार पनि बनाउने गर्छन् । त्यसैले हामीले महंगा कस्मेटिकको प्रयोग गर्नु भन्दा घरमै सहजै रुपमा पाइने तरिकालाई अपनाउनु उपयुक्त रहन्छ ।
जसकारण सौन्दर्यमा चमक आउने गर्दछ। त्यसैले आज हामी चर्चा गर्नेछौं त्यस्ता उपायका बारेमा। जसलाई तल उल्लेख गरिएको छ ।
बेसन र बेसार
दुई चम्चा बेसनमा आधा चम्चा बेसार मिलाउएर १० थोपा गुलाबजल र कागतीको रसको लेदो बनाएर अनुहारमा लगाउने हो भने यसको प्रयोगले सौन्दयलाई कायम राख्न मदत पुर्याउछ ।
आलुको टुक्रा
यदी तपाइको आँखामा डार्कसर्कल छ भने यसलाई हटाउनका लागि सर्कलको वरिपरी काँचो आलुको टुक्राले हल्का मसाज गर्ने गर्नुहोस्। जसले गर्दा त्यस्ता डार्कसर्कल हट्ने गर्दछ ।
मह
यदी एक चम्चा महमा ४/५ थोपा कागतीको रस मिसाउएर फेशमा लगाउने हो भने यसले अनुहारमा भएको चमकलाई कायमै राख्न मदत गर्दछ ।
काक्रोको रस
के तपाइको अनुहारमा चाया आएको छ? यदी आएको छ भने काक्रोको रसले मसाज गर्ने बानी बसाल्नुहोस्। जसले गर्दा तपाई संग भएको चाया हटेर जानेछ ।
निमको पात
निमको पातलाई पिसेर लेदो बनाएर लगाउदा छालाको रोग प्रतिरोध क्षमता बढाउँनका साथै यसले डन्डिफोर जस्ता जटिल समस्याबाट पनि छुटकारा दिलाउदछ ।
पाकेको केरा
यदी पाकेको केरा मुछेर अनुहारमा लगाउँने हो भने यसले अनुहारमा छाएको चाउरीपनालाई हटाएर छालालाई कसिलो बनाउन मदत गर्दछ। त्यसले यसको प्रयोग गर्नुपर्छ। -एजेन्सी