नवलपरासी, २२ चैत
पूर्वी नवलपरासीको देवचुली नगरपालिका १६ टागिकोटस्थित भित्री सडकखण्डमा मोटरसाइकल अनियन्त्रित भई दुर्घटना हुँदा चालकको मृत्यु भएको छ ।
मृत्यु हुनेमा देवचुली–२, दुम्कौली बस्ने २४ वर्षीय जोन महतो रहेका छन् ।
बुधबार राति रजहरबाट फारमतर्फ जाँदै गरेको गण्डकी प्रदेश ०४–००१ प ४१४७ नम्बरको मोटरसाइकल अनियन्त्रित भई सडकको बायाँ साइडको नालीमा खसेको प्रहरीले जनाएको छ ।
दुर्घटनाबाट गम्भीर घाइते भएका महतोको देवचुली नगर अस्पताल दुम्कौलीमा उपचारको क्रममा मृत्यु भएको हो ।