चितवन फागुन १९
भरतपुरको स्टार्स मन्टेश्वरी एकेडेमीले आज फागुन १९ गते तेक्वान्दो ग्रेडिङ टेस्ट गर्ने भएको छ । भरतपुर- ११, मालपोत चोकमा रहेको स्टार्स मन्टेश्वरी एकेडेमीको आयोजना तथा नेपाल तेक्वान्दो संघ, चितवनको सहकार्यमा हुन लागेको उक्त कार्यक्रम नेपाल तेक्वान्दो संघ, चितवनको सभाहल भरतपुरमा हुनेछ ।
स्टार्स मन्टेश्वरी एकेडेमीका प्रबन्ध निर्देशक गणेश रानाले नेपाल तेक्वान्दो संघसँगको सहकार्यमा एकेडेमीको तेक्वान्दो दोजाङले तेक्वान्दो ग्रेडिङको आयोजना गर्न लागेको जानकारी दिनुभयो। सहभागीहरूलाई पहेंलो र पहेंलो- हरियो बेल्ट स्तरबाट हरियो र हरियो-निलो बेल्ट स्तरहरूमा अगाडि बढाउने उद्देश्यले उक्त परीक्षण कार्यक्रम गर्न लागिएको रानाले बताउनुभयो ।
त्यस्तै मार्सल आर्ट प्रदर्शन र परीक्षण भरतपुर कभर्ड हलमा आज दिउँसो १२ बजे सुरु हुने उहाँले जानकारी दिनुभयो। यस क्षेत्रका खेलाडी, समर्थकहरु साना नानीबाबुहरुको खेल कौशलको रोमाञ्चक प्रदर्शनमा सहभागी हुने अपेक्षा गरिएको रानाले बताउनुभयो । उक्त कार्यक्रममा लगभग ६० जना विद्यार्थी सहभागी हुनेछन् ।
नेपाल तेक्वान्दो संघको सहकार्यमा हुने ग्रेडिङ परीक्षामा मूल्यानि र निष्पक्षता भने तटस्थ हुने विश्वास आयोजकले गरेको छ ।















