भरपुर, चितवन ६
सनराइज इङ्ग्लिस स्कुलद्वारा आयोजित सनराईज हाजिरिजवाफ प्रतियोगिता – २०८० कार्यक्रम शनिबार सम्पन्न भएको छ ।
उक्त प्रतियोगितामा कुल २२ वटा विद्यालयका टोलीहरूले सहभागिता जनाएकोमा इन्टरनेश्नल इङ्ग्लिस मोडल स्कुल प्रथम भएको हो ।
ल्यस्तै इङ्ग्लिस पब्लिक स्कुल द्वितीय र स्काई राइडर इङ्ग्लिस स्कुल तृतीय भएका थिए ।
हाजिरिजवाफ प्रतियोगिताको अध्यक्षता विद्यालयका प्रिन्सीपल शिवकुमार बगाले रहेका थिए भने कार्यक्रमका प्रमुख अतिथि सनराइज इ. स्कुल चितवन प्रा.लि.का अध्यक्ष हेमराज शर्मा थिए ।
कार्यक्रम विद्यालय व्यवस्थापन समितिका अध्यक्ष रामजी अर्याल, विद्यालयका सहायक प्रिन्सिपल भुमिराज तिवारी, विभिन्न विद्यालयका प्रतिनिधीहरुको उपस्थितीमा विद्यालयको सभाहलमा सम्पन्न भएको थियो ।
सो कार्यक्रमका विजयी समूहका विद्यार्थीहरूलाई मेडल, ट्रफि र प्रमाणपत्र सहित पुरस्कृत गरिएको थियो । विद्यालयका शिक्षक रामकृष्ण लामिछानेको संयोजकत्वकमा सञ्चालित उक्त प्रतियोगीतामा शिक्षक दिपक श्रेष्ठ क्विज मास्टरको भुमिकामा थिए ।
कार्यक्रमको अन्त्यमा अध्यक्षले मन्तव्य र सहभागी विद्यालयहरूलाई धन्यवाद ज्ञापन गरि विजयी भएका विद्यार्थीलाई शुभकामना दिदैँ कार्यक्रम समापन गरेका थिए ।
