चितवन, माघ २७ –
चितवनको शक्तिखोरमा सञ्चालित ग्रिन हिल रेष्टुरेण्टले ग्राहकहरुलाई ठग्ने गरेको खुलेको छ ।
ब्रोइलर कुखुराको मासु र एकमुठि चिउरामात्र खाजा खाएको ३०० का दरले रकम लिएपछि उपरदाङगढी हिँडेका युवाहरुले उक्त कुरा पत्ता लगाएका हुन् ।
खाजा खाएपछि बिल माग गर्दा फेमली होटल एण्ड खाजा घरको नाममा पान नम्बर समेत उल्लेख नभएको बिल होटल काउण्टरबाट पाइएको ती युवाहरुले बताएका छन् ।
ग्रिन हिल रेष्टुरेण्टको दर्ता प्रमाण पत्र, खानाखाजाको दररेट (मेनु), बिल लगायतका कागजात माग गर्दा पनि उक्त होटलले देखाउन सकेको छैन ।
यस विषयमा प्रतिक्रिया लिन खोज्दा होटल साहुसँग सम्पर्क हुन सकेन भने होटलका स्टाफहरुले प्रतिक्रिया दिन मानेनन् ।
यसरी चितवनको पूरानो सदरमुकाम उपरदाङ्गढी हिँडेका पर्यटकलाई यस होटलले ठग्ने गरेको पाइएको हो । यसतर्फ चितवन प्रशासन र सम्बन्धित निकायको ध्यान जान जरुरी छ ।
