चितवन, २२ माघ
चितवनको कालिका नगरपालिकास्थित शमीपुर विद्यालयमा नगरस्तरिय कबड्डी र बुद्धिचाल प्रतियोगिता सम्पन्न भएको छ । शुक्रबार शमीपुर बालक्लबको आयोजना तथा समावेशी शिक्षा परियोजनाको सहआयोजनामा प्रतियोगिता सम्पन्न भएको हो ।
कालिका नगरपालिकामा रहेका करिब १० सामुदायिक विद्यालयमा अध्ययनरत विद्यार्थीहरूको प्रतियोगितामा सहभागिता रहेको थियो । प्रतियोगिताको समुद्घाटन गर्दै प्रमुख अतिथि कालिका नगरपालिका १ का वडाअध्यक्ष शान्ताविर स्याङतानले बालबालिकाले आयोजना गरेको यस्ता प्रतियोगिताले खेलकुद गतिविधी मार्फत बालबालिकाहरू बीच सुमधुर मैत्रीपुर्ण सम्बन्ध कायम हुने बताउनुभयो ।उहाँले यस्ता कार्यक्रमहरू बालबालिकाको बिकासका लागि प्रभावकारी बनेको भन्दै आगामी दिनमा पनि निरन्तरता दिनुपर्नेमा जोड दिनुभयो । बालअधिकारको सुनिच्श्चताका लागि आँफू सधैँ तयार रहेको अध्यक्ष स्यान्ङतानले दाबी गर्नुभयो ।
शमीपुर विद्यालयमा गठित शमीपुर बालक्लबले आयोजना गरेको अन्तर विद्यालय कबड्डी प्रतियोगितामा शमीपुर माविले प्रथम स्थान हासिल गरेको छ । प्रतिस्पर्धात्मक खेलमा रा.मा.वि मजवाङ माबिलाइ फाइनलमा पछि पार्दै शमीपुर माविले उपाधी जितेको हो । यस्तै यता नगरस्तरिय बुद्दिचाल प्रतियोगितामा शमीपुर माविका प्रतिक चालिसे प्रथम भएका छन् । शमीपुर माविकै दर्शन आचार्य दोस्रो हुदाँ भिमोदय माविका भुमिश्वर बास्तोला तेस्रो भएका हुन् । कबड्डी तर्फ जमुनापुर मावि कि श्रीया परियार उत्कृष्ठ खेलाडी बनेकी छिन् । बिजेता खेलाडीहरूलाइ प्रायोजक समावेशी शिक्षा परियोजनाको टोलीले ट्रफी,मेडल र प्रमाणपत्र प्रदान गरेको छ ।
सहआयोजक एवम् प्रायोजक समेत रहेको समावेशी शिक्षा परियोजनाले आगामी दिनहरूमा पनि यस्ता कार्यक्रमहरू गर्न विद्यालयले सहकार्यको वातावरण बनाउनु पर्ने परियोजनाका घुम्ती शिक्षक बिमल थापाले जानकारी दिनुभयो । उहाँका अनुसार विगत २ वर्ष देखि परियोजनाले बालबालिकाको क्षेत्रमा काम गर्दै आइरहेको छ। बालक्लब परिचालन तालिमका लागि समेत परियोजनाको भुमिका रहेको छ ।
कालिका नगर शिक्षा अधिकारी गंगाधर रिमाल , शमीपुर विद्यालय ब्यवस्थापन समितिका अध्यक्ष सोम बहादुर खड्काले शुभकामना मन्तव्य राख्नुभएको कार्यक्रममा शमीपुर विद्यालयका प्रधानाध्यापक धर्मेन्द्रजंग रायमाझीले स्वागत मन्तव्य दिनुभएको थियो । शमीपुर बालक्ल्बको सचिव स्वस्तिका चौधरीले सहजिकरण गर्नुभएको कार्यक्रम क्लबकि अध्यक्ष मन्जिला दोङ्को सभाध्यक्षतामा सम्पन्न भएको थियो ।
