भरतपुर, माघ ४ –
शैक्षिक परामर्शदाता सेन्ट्रल कलेज भरतपुरले चितवन जिल्ला क्रिकेट संघलाई सहयोग गरेको छ ।
कलेजले संघको कार्यालय सञ्चालनका लागि आवश्यक पर्ने कम्प्युटर, फोटोकपी प्रिन्टर लगायतका सामाग्री सहयोग गरेको हो ।
हिजो मंगलबार कलेजका प्रिन्सिपल एवम् समाजसेवी यज्ञ विलाश पौडेल (वाइबी) ले संघका अध्यक्ष सुदिप पियालाई उक्त सामगी्र हस्तान्तरण गरे ।
पौडेलले सेन्ट्रल कलेजले खेलकुद क्षेत्रलाई विशेष प्राथमिकतामा राखेर सहयोग गरिरहेको बताए । उनले चितवन, नवलपुर र तनहुँमा हुने अधिकांश खेलकुद प्रतियोगितामा सेन्ट्रल कलेजले सहकार्य गर्दै आएको बताए ।
संघका अध्यक्ष पियाले क्रिकेट खेलको विकासका लागि महत्वपूर्ण योगदान पु¥याएको भन्दै सेन्ट्रल कलेजप्रति आभार प्रकट गरे ।
सेन्ट्रल कलेजले उच्च शिक्षा अध्ययन गर्न जापान, अष्ट्रेलिया, क्यानडा, यूके, युएसए लगायका देशमा जान चाहने विद्यार्थीका लागि शैक्षिक परामर्श, भाषा कक्षा सञ्चालन र भिजा प्रोसेशिङको काम गर्दै आइरहेको छ ।
चितवन नवलपुरमा आफ्नै बस सेवा सञ्चालन गरिरहेको कलेजले लायन्सचोकमा आफ्नै भवन बनाइरहेको छ ।
