चितवन, पुष १७ –
सप्तगण्डकी बहुमुखी क्याम्पसमा अनेरास्ववियद्वारा आयोजित अन्तर कक्षा हाजिरी जवाफ प्रतियोगिता सम्पन्न भएको छ ।
आज क्याम्पस प्राङ्गणमा भएको प्रतियोगितामा कक्षा १२ को शिक्षा संकाय टोली प्रथम बनेको छ । कुल ३५ टिमलाई छनोट चरणमार्फत छनोट गरेर १० टिमबीच प्रतिस्पर्धा गराइएको थियो ।
अनेरास्ववियु क्याम्पस कमिटी अध्यक्ष महेश सापकोटाका अनुसार प्रतियोगितामा बिबिएस तेस्रो वर्ष द्धित्तिय र बीएड तेस्रो वर्ष तृत्तिय बने । प्रथम हुनेले नगद रु १० हजार पुरस्कार सहित प्रमाणपत्र, मेडल र ट्रफी प्राप्त गरे भने द्धित्तिय र तृत्तिय हुनेले क्रमशः ५ हजार र ३ हजार नगद पुरस्कार सहित प्रमाणपत्र र मेडल प्राप्त गरे । प्रतियोगितामा सहभागी सबै विद्यार्थीहरुले प्रमाणपत्र पाए ।
कार्यक्रमको प्रायोजकमा शैक्षिक परामर्शदाता सेन्ट्रल कलेज अफ भोकेशन ट्रेनिङ्ग रहेको थियो ।
एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनयिन (अनेरास्ववियु) सप्तगण्डकी क्याम्पस कमिटीका अध्यक्ष महेश सापकोटाको अध्यक्षतामा भएको कार्यक्रम अनेरास्ववियु सप्तगण्डकीका सचिवालय सदस्य अर्जुन अर्यालले प्रतियोगिता सञ्चालन गरेका थिए ।
नेकपा एमाले बाग्मती प्रदेश सदस्य अस्मिन घिमिरेको प्रमुख उपस्थितिमा सम्पन्न कार्यक्रममा अनेरास्ववियु बाग्मती प्रदेशका सचिव प्रकाश कालाखेती, अनेरास्ववियु चितवनका अध्यक्ष हरि आचार्य, क्याम्पस प्रमुख खिमलाल दाहाल, समाजसेवी तथा सेन्ट्रल कलेजका प्रिन्सिपल यज्ञविलास पौडेल ‘वाइवी’, विभिन्न क्याम्पसबाट आएका अनेरास्ववियुका नेता लगायत सप्तगण्डकीका प्राध्यापक तथा विद्यार्थीहरुको उल्लासमय उपस्थिति रहेको थियो ।
