भरतपुर, १७ मङ्सिर
भरतपुरमा बोराभित्र मृत अवस्थामा फेला परेका महिला र पुरूषको स्केच तस्बिर सार्वजनिक भएको छ।
जिल्ला प्रहरी कार्यलय चितवनले आफ्नो आधिकारिक फेसबुक मार्फत सो स्केच सार्वजनिक गरेको हो ।
प्रहरीले ७७ वटै जिल्ला लगायत सीमावर्ती भारतीय जिल्लाहरूमा पहिचानका लागि हुलिया परिपत्र गरेपनि कुनै पहिचान हुन सकेको छैन ।
केहि दिन अघि भरतपुर-१२ मिलन चोक स्थित कल्भर्ट मुनी दुई वटा बोराभित्र हात-खुट्टा बाँधिएको अवस्थामा पुरूष र महिलाको शव फेला परेको थियो ।
