चितवन, कार्तिक ११ –
नारायणगढ मुग्लिन सडकको सेती दोभानमा एउटा माइक्रोले मोटरसाइकललाई ठक्कर दिएर फरार भएको छ ।
हिजो शुक्रबार ७ः३० बजेको समयमा मुग्लिन तर्फजाँदै गरेको माइक्रोले ना ५५५८०६ नम्बरको बुलेट मोटरसाइकललाई ठक्कर दिएको हो ।
ठक्करपछि मोटरसाइकल चालक अर्जुन बहादुर थापा क्षेत्रीको दाहिने हात, दाहिने आँखा, गालामा चोट लागेको छ । हातको अवस्था गम्भीर छ । घाइतेकी श्रीमती सुभद्रा थापा क्षेत्रीका अनुसार उनको चितवन मेडिकल कलेज (सिएमसी) उपचार भइरहेको छ ।
प्रहरीलाई घटनाबारे जानकारी गराइएको भए पनि हालसम्म माइक्रो पत्ता लाग्न नसकेको उनले जानकारी दिइन् । कुन माइक्रोले हो मोटरसाइकललाई ठक्कर दिएको उक्त माइक्रो चिनाएर सहयोग गरिदिन उनले माइक्रोमा सवार रहेका यात्रुहरुलाई आग्रह गरेकी छिन् ।
जिल्ला प्रहरी कार्यालय चितवनका प्रवक्ता डीएसपी विजयराज पण्डितले ठक्कर दिएर फरार हुने माइक्रो खोज्ने प्रयास भइरहेको बताए । उनले पनि माइक्रोमा सवार रहेका यात्रुहरुलाई दुर्घटनाबारे जानकारी गराइदिन आग्रह गरेका छन् । उनले पनि माइक्रोमा सवार रहेका यात्रुहरुलाई दुर्घटनाबारे प्रहरीलाई जानकारी गराइदिन आग्रह गरेका छन् ।
