भरतपुर, ३ कात्तिक
चितवनको भरतपुर महानगरपालिका वडा नम्बर ११, मालपोत चोक स्थित स्टार्स मन्टेश्वरी एकेडेमीले शुक्रबार बडादशैँको शुभकामना आदान(प्रदान कार्यक्रम गरेको छ । स्कुलले आफ्नै एकेडेमीमा अध्यापन गराउने शिक्षक शिक्षिकाहरु र साना नानीबाबुहरुमा शुभकामना आदान(प्रदान कार्यक्रम गरेको हो ।
बडादशैँको पूर्वसन्ध्यामा स्कुलमा अध्ययनरत नानीबाबुहरुलाई दशैंको टीका जमारा लगाई दक्षिणा दिएर नानीबाबुहरुलाई आशीर्वाद दिई शुभकामना आदान-प्रदान गरिएको हो । स्टार्स मन्टेश्वरी एकेडेमीका प्रवन्ध निर्देशक गणेश रानाका अनुसार विदेशी संस्कृति भित्रिदैं गएको समयमा नानीबाबुहरुलाई मौलिक संस्कृति सिकाउन बुझाउन र व्यवहारमा उतार्न समेत सिकाइएको छ । उनले थपे जमारा राख्ने समयमा पनि नानीबाबुहरुलाई उपस्थित गराई जमारा राख्न सिकाइएको थियो । बिहिबार चङ्गा बनाउने र उडाउने क्रियाकलाप सिकाइएको समेत निर्देशक रानाले बताए । रानाका अनुसार नानीबाबुहरुलाई जमारा राख्न सिकाई, टीका र जमाराको महत्वको बारेमा समेत प्रष्ट पारिएको थियो । कार्यक्रममा टीका र जमारा ग्रहणपछि आशीर्वाद स्वरुप दिइएको दक्षिणालाई फजुल खर्च नगरी खुत्रुक्केमा बचत गर्न पनि सिकाइएको थियो । बाल्यकालमा दक्षिणाको महत्व बुझेर स्कुलले नयाँ नोटको प्रयोग गरेको थियो ।
स्कुलले लोप हुँदै गएको लिङ्गे पिङलाई स्कुल प्राङ्गण भित्रै पिङ हालेर दशैंको संस्कृति र महत्व बुझाएको थियो । टीका र दक्षिणा ग्रहणपछि साना नानीबाबुहरु पिङमा झुम्मिएका थिए । पिङ खेल्न पाएर उनीहरु दंग देखिएका थिए । नानीबाबुहरुमा खुसीको सीमा नाघेको थियो । टीका र आशीर्वाद ग्रहणपछि पिङ खेलेर हरेक कक्षाका विद्यार्थी नानीबाबुहरु र उनीहरुका शिक्षिकाहरुले सामुहिक फोटो खिचाएका थिए ।
स्कुलको यस किसिमको सांस्कृतिक क्रियाकलापले नानीबाबुका अभिभावकहरु प्रफुल्ल देखिएका थिए । आफ्ना बच्चाहरुमा मौलिक संस्कृतिको महत्व बुझाइएकोमा अभिभावकहरु हर्षित भएका हुन् ।
हरेक वर्ष यस स्टार्स मन्टेश्वरी एकेडेमीमा अध्ययन पूरा गरि देशका विभिन्न स्थानमा रहेका ठूलो विद्यालयहरुमा अध्ययन गर्न जाने साना नानीबाबुहरु अरु बिद्यार्थीको तुलानामा अब्बल देखिने गरेका छन् । यस एकेडेमीमा अध्ययन पूरा गरी निस्किएका पहिलो ब्याचका नानीबाबुहरु ऐले कक्षा ११ मा अध्ययनरत छन् ।
स्टार्स मन्टेश्वरी एकेडेमीले साना नानीबाबुहरुलाई सानै उमेरदेखि कलाको विकास गर्दै आइरहेको छ । जस अन्तरगत एकेडेमीले अतिरिक्त क्रियाकलापका कक्षाहरु समेत सञ्चालन गर्दै आइरहेको छ । यस एकेडेमीमा अध्यनरत नानीबाबुहरुले अतिरिक्त क्रियाकलाप अन्तरगत गायन, नृत्य र तेक्वान्दो सिकिरहेका छन् ।
चितवनमा स्थापना भएका अधिकांश मन्टेश्वरी स्कुलहरु मध्य स्टार्स मन्टेश्वरी एकेडेमी अब्बल दर्जामा परिचित छ ।
ूजहाँबाट तपाईंका नानिबाबुको भबिष्य निर्माणको पहिलो पाइला सुरु हुन्छू भन्ने मूल नाराका साथ पोखराको पालिखेचोकमा वि।स २०६५ सालमा स्थापना भएको यस मन्टेश्वरी, भरतपुर(११, मालपोतचोकमा वि।स २०६७ सालमा स्थापना भएको हो ।
